Səmsiyə Kərimova,
əməkdar jurnalist


Arzu Nağıyev 1963-cü ildə Azərbaycanın Tovuz rayonunda həkim ailəsində dünyaya göz açıb. Orta məktəbi qızıl medalla bitirib. 1985-ci ildə Serqo Ordjonikidze adına Moskva İdarəetmə İnstitutunun Tikinti və şəhər təsərrüfatının idarə edilməsinin təşkili fakultəsini mühəndis iqtisadçı ixtisası üzrə bitirmişdir. 1991-ci ildə SSRİ Dövlət Təhlükəsizliyi Komitəsinin Ali kurslarını qırmızı diplomla tamamlamışdır. Uzun illər milli təhlükəsizlik orqanlarında şərəf və ləyaqətlə xidmət edərək polkovnik rütbəsinə yüksəlib. Sonrakı fəaliyyətində də dövlətçilik prinsiplərinə, milli maraqlara və xalqına sədaqətini daim qoruyub saxlayıb.

Onu tanıyanlar Arzu Nağıyevi peşəkar dövlət xadimi olmaqla yanaşı, səmimi dost, qayğıkeş övlad, nümunəvi ailə başçısı və yüksək mənəvi keyfiyyətlərə malik insan kimi xarakterizə edirlər. O, seçicilərinin problemlərinə həssas yanaşır, onların müraciətlərini diqqətlə dinləyir, imkanları daxilində həllinə dəstək göstərməyi özünə borc bilir. Xeyirxahlığı, insanlara kömək etməyi həyat amalına çevirməsi onu cəmiyyətdə hörmət qazandıran əsas xüsusiyyətlərdəndir.
Vətən sevgisi, dövlətə sədaqəti, məsuliyyətli fəaliyyəti və insanlara olan qayğıkeş münasibəti Arzu Nağıyevin həyat yolunun əsas dəyərləridir. Onun fəaliyyəti gənc nəslə vətənpərvərlik, dürüstlük və xidmət nümunəsi kimi örnəkdir.
Doğum günü münasibətilə Arzu Nağıyevi ürəkdən təbrik edir, ona möhkəm cansağlığı, uzun ömür, ailə səadəti, tükənməz enerji və dövlətimizin, xalqımızın rifahı naminə həyata keçirdiyi məsuliyyətli fəaliyyətində yeni-yeni uğurlar arzulayıram. Qoy qarşıdakı illər ona yeni nailiyyətlər, sevinc və xoş günlər bəxş etsin.
Doğum gününüz mübarək olsun!