Zelenski Baş prokuror Venediktovanı və UTX-NİN rəhbəri Bakanovu vəzifəsindən azad edib.

Turaztv.az KONKRET.az-a istinadən xəbər verir ki, müvafiq sərəncamlar Prezident Aparatının saytında yerləşdirilib.

Ukrayna Prezidenti Volodimir Zelenski Baş Prokurorluğun rəhbəri İrina Venediktovanı, Ukrayna Təhlükəsizlik Xidmətinin rəhbəri İvan Bakanovu vəzifəsindən kənarlaşdırıb.

“Hərbi vəziyyətin hüquqi rejimi haqqında” Ukrayna Qanununun 11-ci maddəsinin ikinci hissəsinə uyğun olaraq qərara alıram: Venediktova İrina Valentinovna Baş prokuror vəzifəsindən kənarlaşdırılsın”, – deyə məlumatda bildirilir.

Digər fərmanla və Zelenski Aleksey Yuryeviç Simonenkonu Baş prokuror təyin edib.

“Ukraynanın 24 mart 1999-cu il tarixli 551-XIV nömrəli Qanunu ilə təsdiq edilmiş Ukrayna Silahlı Qüvvələrinin İntizam Nizamnaməsinin 47-ci maddəsinə uyğun olaraq, Bakanov İvan Gennadyeviç Ukrayna Təhlükəsizlik Xidmətinin sədri vəzifəsindən azad edilsin”, – deyə başqa bir məlumatda deyilir.

Bundan əvvəl prezident İvano-Frankovsk şəhərinin meri Ruslan Martsinkivin Rusiya Federasiyasının Ukraynaya kütləvi raket hücumu həyata keçirə biləcəyi ilə bağlı xəbərlərinə sərt reaksiya verib. Zelenski ukraynalıları informasiya sahəsində diqqətli və ehtiyatlı olmağa, Rusiya Federasiyasının yalanlarına inanmamağa çağırıb.

Xuraman Etibarlı,

KONKRET.az