MƏMMƏD QƏDİR : Çağır Romadan papanı, bəsdi də

Xəbərlər

3.06.2026, 22:31

MƏMMƏD QƏDİR : Çağır Romadan papanı, bəsdi də - FOTO

Bəsdi də

Evlən dedi, "üç tuz" olar sığdığın,
Qırx il olur can boğaza yığdığın,
Beynimi manqurt eləyib dığdığın,
Acışdırma şirin canı,bəsdi də,
Pir haqqı,vurram zopanı,bəsdi də.

Dığdığ ilə heç bərəkət görmüsən?
Düz yolumda səhv hərəkət gormüsən?
Çörək verənə it kimi hürmüsən,
Cana doyurma insanı,bəsdi də,
Gedib çağırram papanı,bəsdi də.

Ərə verincə bisavad düşgünü,
Tanıdaydı Kəramətin köşkünü,
Səfərdədir hər ayın on beş günü,
Gəzib gəlib el-obanı,bəsdi də,
Yenə sızlayır dabanı,bəsdi də.

Gedir getsin, bir az başım dinc olar,
Bu təklifdən ağlı kəsən gic olar,
Demişdilər savadsızlar bic olar,
Basıb çaya Xançobanı,bəsdi də,
Ay ifritə qulyabanı,bəsdi də.

Aqil gərək təmizləyə toz yolu,
Hərarətiylə əridə buz yolu,
Agbircəyin işi tapmaq düz yolu,
Allah da sevmir sapanı,bəsdi də,
Kim sevər ittək qapanı,bəsdi də.

O üzdən can suç,nəfəsim ah kibi,
Oynayıram monastırda rahibi,
Xəstədi,yoxdur yiyəsi,sahibi,
Qorxuram sığam çibanı,bəsdi də,
Soxar qarnıma yabanı,bəsdi də.

Nə olsun ki,girib mömin cildinə,
Dəyişmir heç,qışqır,ağla,dil denə,
Ha deyirəm tövbə elə,gəl dinə,
Kola qısnama qabanı,bəsdi də,
Çağırram Allah babanı,bəsdi də.

Gəlib baxsın,ya da ağıl yollasın,
Dəysin Məmmədin başına villası,
Çarə tapmır müsəlmanın mollası,
Çağır Romadan papanı,bəsdi də,
Ya da işə sal zopanı,bəsdi də...