Xəbərlər
1.06.2026, 00:52
Zöhrə Qaraqızı : MAVİ SƏMA İSTƏYİRİK - FOTO
Müharibə törədən, qan tökən, şəhərləri xarabalıqlara çevirən , faşist xislətli dünya liderlərinə uşaqların dilindən yazılmış şeiri təqdim edirəm:
MAVİ SƏMA İSTƏYİRİK
Ay "əmi"lər, ay "dayıl"ar ,
Dağıtmayın şəhərləri,
Dünya bizim evimizdir,
Qan etməyin səhərləri.
Uçurduniz, bəsdi,yetər ?
Sinənizdə ürək yoxmu?
Viran qaldı bu ölkələr,
Gözünüz, könlünüz toxmu?
Atamız yox, anamız yox,
Küçələrdə səfil qaldıq.
Canilər, necə qayğınız?
Vaxtsız yetim adın aldıq.
Yerlə yeksan oldu hər yan,
Yatmağa da yerimiz yox,
Qoydunuz hər yanı viran ,
Acıq, qarnımız deyil tox.
Balanıza qıyardınız?
Günahsız bu hala düşsün.
Dronların zərbəsindən,
Düşən od , alovda bişsin.
Bu yer, bu göy əmanətdi,
Xəyanətkar oldunuz siz.
Sizə yalnız ad yaraşır,
Cəllad , faşist, əqidəsiz.
Səsimizə səs ver, dünya,
Cahanda qanlar axmasın.
Gözü yaşlı körpə qalıb.
Məlul yollara baxmasın.
Mavi səma istəyirik,
Göyərçinlər qatar- qatar.
Dünyamızda sülh olarsa,
Körpələr də şirin yatar.
01.06.2026.
Son xəbərlər
Ən çox oxunanlar
- Bu gün
- Bu həftə
- Bu ay
