Uzun illərdir İsmayıllı xəbərlər qəzetinin baş redaktoru kimi rayonumuzda baş verən bütün yenilikləri, tədbirləri və vacib hadisələri xalqa çatdırır. Təkcə jurnalist kimi yox, həm də peşəkar fotoqraf kimi tədbirlərdə çəkdiyi şəkilləri qəzetdə yayımlayaraq tariximizi yaşadır.

Şahməmməd müəllim gözəl şeirlərin müəllifi, bir neçə kitabın yazarıdır. O, dost ölkə olan Özbəkistanla mədəni əlaqələrin inkişafında böyük xidmətlər göstərib. Azərbaycan dilini özbək dilinə, özbək dilində olan əsərləri isə Azərbaycan dilinə tərcümə edərək xalqlar arasında dostluq körpüsü yaradıb.
Bu xidmətləri Özbəkistan dövləti tərəfindən yüksək qiymətləndirilib, ona pul mükafatı və Özbəkistan xalqının ən nüfuzlu medallarından biri təqdim olunub.
Mənim televiziya sahəsində qazandığım uğurlarda da Şahməmməd müəllimin böyük əməyi var. Mənə bilmədiklərimi öyrədib, hər zaman dəstək olub, yol göstərib. Belə dəyərli insanların qədrini bilmək lazımdır.
Şahməmməd müəllimə möhkəm can sağlığı, uzun ömür və yeni uğurlar arzulayıram. Belə ziyalılarımızla fəxr edirik!