Xəbərlər
29.05.2026, 21:14
BƏHRUZ MƏMMƏDOV : Yuxuma necə girib onun isti nəfəsi? - FOTO
bu gecə də yuxuda,
Şəkillərə baxırdım,
imzalıydı çoxu da.
Hər vərəqdə bir nəfəs,
bir köhnə yaz havası,
Baxışlarda gizlənmiş
həm sevinci, həm yası.
Şəkillərin birində
dizimdə torpaq izi,
O da uzaqdan gülür,
günəş kimi bənizi.
Birində payız yolu
yarpaqlar ağuşunda,
Oturmuşam sakitcə
ağacın koğuşunda.
Bəziləri solğundu,
rəngləri bir az getmiş,
Nə olsun ki, hələ də
xatirəsi ölməmiş.
Bir kağızdan boylanır
yarımçıq gülüşlərim,
Sanki zaman keçməmiş,
indidi keçmişlərim.
Bir şəkil var baxmağa
ürək tələsir yaman,
Orda olan birini
görməyimə çox şadam.
Gözlərimə səssizcə
yuxular dolur belə,
Şəkillərin birində
birdən o gəlir dilə.
Son vərəqi örtəndə
sükutu pozur səsi,
Yuxuma necə girib
onun isti nəfəsi?
Son xəbərlər
Ən çox oxunanlar
- Bu gün
- Bu həftə
- Bu ay
