Xəbərlər
1.08.2026, 00:06
Layiqdir ən uca hörmətə Zabit - FOTO
Boya-başa çatdı Kür sahilində,
Vuruldu bu gözəl sərvətə Zabit.
Aldı atasından xeyir-duanı,
Lap erkən başladı xidmətə Zabit.
Kürün dalğaları laylası oldu,
Duydu, şirin-şirin xəyala daldı,
Qəlbi arzularla, fərəhlə doldu,
Qatlaşdı hər çətin zəhmətə Zabit.
Sənəti öyrəndi incədən-incə,
Zəhməti, əməyi getmədi heçə,
Aldı bu sahədə ali dərəcə,
Çatdı xoş mərama, niyyətə Zabit.
Cadar-cadar olmuş boz Muğan çölü,
Bol suya möhtacdır hər otu-gülü,
Susuz həyat yoxdur, təbiət ölü,
Can verdi tükənməz nemətə Zabit.
Çətinliklər gördü yaşı sanında,
Müdriklik qanında, qayğı canında,
Ona ümid olan ellər yanında,
Layiqdir ən uca hörmətə Zabit.
Hörmətlə:
Müzəffər Məzahim
Son xəbərlər
Ən çox oxunanlar
- Bu gün
- Bu həftə
- Bu ay
