Xəbərlər
3.06.2026, 12:05
Ucalığın mübarəkdir, uca dağ - FOTO
Binələrdə xoruz banlar,it hürər
Cərgə-cərgə ağ çadırlar qurular.
Bir ixtiyar qoca gördüm xeyli şən,
Baş oynadıb kəhər atı yorular.
Yola çıxan ömür-gündür beləcə,
Küləklərin əllərindən tut yeri.
Xəyalıma süfrə açır təzədən,
Yaylaq yeri,ocaq yeri,yurd yeri...
Yaşamağa möhlət istə,şükr elə
Sən zamanın ağrısını unut gəl.
Qurd gözündən işıq götür yolüstü,
Qucaq-qucaq ətəyində bulud gəl.
Ucalığın mübarəkdir, uca dağ,
Bu görüşə bir,iki söz dedim ki.
Heç nə səndən aparmıram,qoy qalsın
Nəyim varsa səninkidir,səninki...
Cərgə-cərgə ağ çadırlar qurular.
Bir ixtiyar qoca gördüm xeyli şən,
Baş oynadıb kəhər atı yorular.
Yola çıxan ömür-gündür beləcə,
Küləklərin əllərindən tut yeri.
Xəyalıma süfrə açır təzədən,
Yaylaq yeri,ocaq yeri,yurd yeri...
Yaşamağa möhlət istə,şükr elə
Sən zamanın ağrısını unut gəl.
Qurd gözündən işıq götür yolüstü,
Qucaq-qucaq ətəyində bulud gəl.
Ucalığın mübarəkdir, uca dağ,
Bu görüşə bir,iki söz dedim ki.
Heç nə səndən aparmıram,qoy qalsın
Nəyim varsa səninkidir,səninki...
Son xəbərlər
Ən çox oxunanlar
- Bu gün
- Bu həftə
- Bu ay
