Eşqdən yazma deyirsən

Eşqdir mehrabı uca göylərin,
Eşqsiz,ey dünya,nədir dəyərin?!
Eşqin qulu ol ki, doğru yol budur,
Ariflər yanında, bil,eşq uludur!
Nizami Gəncəvi

Qosqoca kişilər elə yazmazlar,
Tərənnüm etməzlər nakam sevgini!
Abrını gözlərlər,yoldan sapmazlar,
Onlarlıq deyildir ilahi eşq ki!

Belə söyləyirsən,belə deyirsən,
Ay ürək yerinə qəlbi boş adam!
Sevgi nə olduğun heç bilməmisən,
Ömrünü vermisən bada, daş adam!

Nizami şeirindən ilham alan kəs,
İlahi sevgidən yazmaya bilməz!
Füzuli babadan yararlanan kəs,
Gözəllik eşqiylə yanmaya bilməz!

Sevgi paklıq verir,saflıq yaradır,
Təməli qoyulan bir ailədə!
Ən ülvi hisslərdən pərvəriş tapır,
Sevgiylə qurulan bir ailə də!

O sənin dediyin qoca kişilər,
Belə bir sevgidən qidalan deyir!
O ahıl kişilər,müdrik kişilər,
İlahi bir eşq ilə alış,yan deyir!

"Mənim tanrım gözəllikdir,sevgidir!"
Belə söyləmişdir Cavid əfəndi!
Ən gözəl əsərlər yazıb yaradan,
Unutmaq olarmı Ləzgi Neməti!

Yazmaq, yaratmaqdan usanmayaq gəl,
Belə bir öhdəlik götürək, dostum!
Bunun üçün də, sağlam ömrü gəl,
Tanrıdan diləyək,istəyək dostum!

Cümşüd Aydəmirov,
Xudat. 29.04.22