Mənim yazılarım - Cümşüd AYDƏMİROV

Xəbərlər

11.02.2022, 23:05

Mənim yazılarım - Cümşüd AYDƏMİROV

Mənim yazılarım
Kosmosdan,raketdən yaz deyən dostum,
Bilirsən,ürəyə zor etmək olmur!
Kosmonavt deyiləm kosmosa uçum,
Korolyov deyiləm,raket uçurum.

Alim də deyiləm texnika qurum,
Yalançı alimlər yaman çoxalıb.
Bilirsən nə deyir "Akadem"qurum?
Həqiqi alimlər əfsus azalıb!

Mənim yazdıqlarım vətəndi,daşdı,
Xınalı qayadı zorla aşdığım.
Şerimin mövzusu bir vətəndaşdı,
Hərdən görüşdüyüm,həmdəm sandığım.

Beynim düşünəni qələmim yazır,
Ürəksiz bir şeyi yazmaram, əsla!
Bəzən yazdıqlarım ürəyə yatmır,
Ürəklə yazıram hətta onu da.

Sevgidən yazıram,eşqdən yazıram,
Axı sevgi özü tarixlə yaşdı!
Əhdinə vəfasız yardan yazıram,
Nə olsun yaşımız o həddi aşdı.

Gördüyün nə varsa bil ki,sənindir,
Gərək keçirəsən öz xəlbirindən.
Görən göz sənindir,şey özgənindir,
Gərək keçirəsən öz süzgəcindən.

Təşəkkür edirəm sənə, ay dostum!
Yaxşı ki, şeirimə bir mövzu verdin.
Razılıq edirəm səndən ,ay dostum,
Yaxşı ki, tanıdım,zövqünü bildim!

Cümşüd Aydəmirov,
Xudat. 10.02.22