Cümşüd Aydəmirov: Əhvalımız dəf kimidir-Böyük M.Ə.Sabirə nəzirə

Xəbərlər

28.11.2021, 11:23

Cümşüd Aydəmirov: Əhvalımız dəf kimidir-Böyük M.Ə.Sabirə nəzirə

Sabira,xəbərin yoxdu sənin əhvalımız dəf kimidir,
Kefimiz dumbul çalır,işlərimiz səf kimidir!

Dediyin qırmızı saqqal kişilər lap çoxalıb,
Mömini qalıb qıraqda,həcilər lap çoxalıb
Kişilər görünmür, qardaş,kişiciklər çoxalıb,
Sabira,xəbərin yoxdu sənin əhvalımız dəf kimidir,
Kefimiz dumbul çalır,işlərimiz səf kimidir!

Görsəydin gər bu günü, sən o günə şükr edərdin
Varid olsaydın təhsilə, sən o günə şükr edərdin!
Diqqət etsəydin dinə, sən o günə şükr edərdin!
Sabira xəbərin yoxdu sənin, əhvalımız dəf kimidir,
Kefimiz dumbul çalır,işlərimiz səf kimidir!

Azarxana dərd verir, daha sağaltmır xəstəni,
Sayı çoxdur,payı yoxdur paydan məhrum xəstəni,
Göndərirlər pulluya, puldan kasad bir xəstəni,
Sabira xəbərin yoxdu sənin,əhvalımız dəf kimidir,
Kefimiz dumbul çalır,işlərimiz səf kimidir!

Nə deyim mən, ay baba,olmuşuq lap məəttəl,
Deyə bilmirzən gördüyün,qalırsan lap məəttəl!
Tacirlə bəhs edəməzsən ,a kişi, insafa gəl!
Sabira,xəbərin yoxdu sənin,əhvalımız dəf kimidir,
Kefimiz dumbul çalır,işlərimiz səf kimidir!

Sonyalar başqalaşıb, indi də madmazel olub,
Tükəzbanlar çoxalıb,indi lap "n" qədər olub,
Bəyzadələr azalıb,gədələr lap çoxalıb
Sabira, xəbərin yoxdu sənin ,əhvalımız dəf kimidir!
Kefimiz dumbul çalır, işlərimiz səf kimidir!

Deyirəm mən, ay baba ,sağlığında çərləmisən
Dərd edib ürəyinə ürəyini şişdirmisən,
Zənn edirdin cigərin çarə edər,səhv etmisən,
Sabira,xəbərin yoxdu sənin,əhvalımız dəf kimidir!
Kefimiz dumbul çalır,işlərimiz səf kimidir!

Ayıq ol ,ay baba,sən bu vədə dönmə geri
İnsanlar başqalaşıb, itiriblər kələfi,
Müsəlmanam deyib,fəhm etmə əngəl kələfi,
Sabira,xəbərin yoxdu sənin,əhvalımız dəf kimidir!
Kefimiz dumbul çalır,işlərimiz səf kimidir!

Cümşüd Aydəmirov,
Bakı. 27.11.2021