Əziz Tahirəm! Sənin ad gününü dəyərli şair dostumuz Rəşad Məcidin bu misraları ilə təbrik edirəm. Elə bil ki, onu mən yazmışam...
Ömrün uzun, canın sağlam, ruhun daha da pak olsun. Sən əsl dostluğa layiq bir xanımsan. Sən mənim bir dənəm Tahirəmsən!

BİR DƏ GƏLMƏYƏCƏK…

Elə möcüzələr yaratmısan ki,
Elə dəqiqələr yaşatmısan ki,
Olmayıb heç onun yüzdə biri də
Nə mənim dünyamda,
nə bu dünyada.
Sən elə telləri qırıb getmisən,
Sən elə yaralar vurub getmisən,
Təpəri yoxdu ki, dözüb dayansın,
Nə mənim dünyamın,
nə bu dünyanın.
Qəfil gəlişinlə suç eləmisən
Sənsiz keçən ömrü puç eləmisən
Vurmayıb heç zaman belə qar-yagış
nə mənim dünyamı,
nə bu dünyanı
Bilmədim iblissən, ya mələk, Qadın,
Ətri, gözəlliyi çiyələk Qadın.
Bir də gəlməyəcək sənintək Qadın
Nə mənim dünyama,
nə bu dünyaya.
Daşdəmir Əjdəroğlu