Xəbərlər
7.08.2026, 22:22
Həyatdan vaxtsız köç edən elqızım, qohumum Nərgizin əziz ruhuna bacısı Tahirə xanımın diliylə...
Vaxtsız əcəl döydü ömür qapını,
Bizdən aralanıb getdin, Nərgizim.
Əbədi məkana, haqq mənzilinə,
Arzuna, kamına yetdin, Nərgizim.
Ata ocağının sacı səniydin,
Başımın nərgiztək tacı səniydin,
Ən ülvi istəkli bacı səniydin,
Niyə gözlərimdən itdin, Nərgizim?
Bəs indi hayana üz tutub gedim?
İzim sənsizləşib, iz tutub gedim,
De hansı səmtimi düz tutub gedim?
Hansı duracaqda bitdin, Nərgizim?
Səhər də, axşam da göz önümdəsən,
Məsdər şəkilçimdə, söz önümdəsən,
Quran ayəmdəsən, öz dinimdəsən,
Bülbültək ruhumda ötdün Nərgizim!
Niyə gözlərimdən itdin, Nərgizim?
04.08.2026
Son xəbərlər
Ən çox oxunanlar
- Bu gün
- Bu həftə
- Bu ay
