Türkiyənin Adana şəhərində bir dostunun iş yerinin qarşısında lövhə qoyan Yılmaz Fikriderin adlı şəxs müxtəlif sosial şəbəkə platformalarında fenomen olmaq istəyən insanlara küçədə izləyici, bəyənmə və rəy satır.

"Turaztv.az" Metbuat.az-a istinadən xəbər verir ki, təxminən 3 ildir bu işlə məşğul olan şəxs sakinlərin marağına səbəb olur, ətrafdan keçənlər onunla şəkil çəkdirirlər. Yılmaz Fikriderin özü isə ilk vaxtlarda dostlarının bu addımına görə ona güldüklərini deyir:
"O zaman mənə gülənlər indi məndən izləyici alırlar. Son gülən yaxşı gülər. Şükür işlərimiz yaxşıdır. İzləyici qiymətləri eynilə məzənnə kimidir. Bəzən düşür, bəzən yüksəlir".