Ömür ağacı
Yazmaq çətin deyil,yaratmaq çətin,
Hər yeni yaranış asan olmayıb.
Şairlər qiymətli söz dəfinəsin,
Tapıb, tozun alıb söz cilalayıb!

Günəşin doğmağı,qürub etməsi,
Ayın göy üzündə gecə süzməsi,
Pəmbə buludların göyü örtməsi,
Bir sirli aləmdir, bir ayrı aləm!

Düymə tumurcuğun tər çatdaması,
Ayna bulaqların güzgü tutması,
Ququ quşlarının il sanaması,
Yazara şeirçün ilham qaynağı!

Dağlar, o qarlı dağlar, vüqarlı dağlar,
Boynuna dolanan sıx sıx ormanlar,
Şairi azdıran qıvrım cığırlar,
Dostum,bundan yaxşı mövzumu olar?

Çiçəklər gül olub ətir paylayır,
Sevgidən alışan bir dəstə qızlar,
Arxayın arxayın gülüş paylayır.
Söylə bundan gözəl tapıntımı var?

Mövzular tükənmir, mövzu azalmır,
Sənin gördüyünə milyonlar baxır.
Sən adi saydığın o şeylər ki var,
Yazarın gözündə dirilik tapır!

Beləcə yaşayır yaradır insan,
Açılan sabahlar bir tanrı payı.
Ömür bir ağacsa,son budağından,
Sallanıb baxırıq üzü aşağı.

Yeni pöhrə verir ömür ağacı,
Quruyan budaqlar əvəzlənəcək!
Bir ömür tapırsa son ünvanını,
Bir yeni doğulan rişə verəcək!

Cümşüd Aydəmirov,
Xudat. 23.03.22