Ğəlsən qurban kəsərəm Ğəlməsən bil küsərəm

Xəbərlər

8.01.2022, 19:25

Ğəlsən qurban kəsərəm Ğəlməsən bil küsərəm - Solmaz Şirvanlı

Təkdamın şəlaləsi Ğözəllikdir meşəsi ,
Dağların seli ğözəl Elimin qızı ğözəl .
Ğəlsən qurban kəsərəm
Ğəlməsən bil küsərəm .

Rasim Suleymanov bu bir bənd şeiri onun mənə ünvanladığı bir yazısına cavab olaraq "DÖNMÜŞƏM" şeirimdə rəy olaraq yazmışdı.mən də elə həmin şərhə cavab kimi aşağıdaki şeiri yazdım.

AÇA
Bu həsrətə son qoymağa ,
Tanrı özü yollar aça,
Solmaza bacım deyəni,
Qucaqlaya,qollar aça!

Qədəm basam o dağlara,
Göy meşəyə,yaylaqlara,
Obalara,oymaqlara,
Kol dibində güllər aça!

Süfrə aça deyə-gülə,
Kabab şişdə tikə-lülə,
Səs yayıla kəndə-elə,
Təb oyana,dillər aça!

Göydən yerə yağış yağa,
Bu obaya,bu oymağa,
Süfrə dolu bal-qaymağa,
Görən-bilən ellər qaça!

Dostlar gələ bu məclisə,
Başlaya şeirə,təcnisə,
Baxmayaraq duman sisə,
Fərə kəklik,çillər uça!

Kaş ki,gəzəm,dağın-düzün
Şair yaza şerin-sözün,
Gözəllikdən doya gözüm,
Gələ Muğan-Millər qaça!

Süfrəsində qurub bardaş,
Şeir deyə dostlarım kaş,
Qalxa zilə Elxan qardaş,
Şəlalələr,sellər aça!

Ad söyləsəm çox olacaq,
Qüssə-qəmlər yox olacaq,
Gözü-könlü tox olacaq,
Qarşı aylar,illər aça!

Solmaz,dinlə bir qulaq as,
Duaçındır "Xəlfə Qiyas"
Ziyarət et,al bir muraz,
Bağlı düyün,tellər aça!

Solmaz Şirvanlı {AYNAZ CƏVAHİR KƏLAM}
08-01-2021