Xəbərlər
7.06.2026, 00:17
Səadət Qərib : GÜL QADINLAR - FOTO
Gül qadınlar danışmazlar –
ətirləri ilə tanıtdılar özlərini.
Göz yaşlarını yapraq kimi
gizlətdilər içlərinə,
solduqları yerdə
yenidən açmaq üçün…
Gül qadınlar —
gözü yaşlı qönçələrdilər bəzən,
amma
heç kim bilməzdi
neçə qasırğadan sağ çıxdıqlarını…
Əlləri torpaq kimi isti,
gözləri dəniz qədər dərin,
özlərini unudub
min ömrə yetəcək qədər
sevgini daşıdılar.
Gül qadınlar…
onlar sevilmək üçün doğulmadılar …
yalnız
sevmək üçün
özlərini silməyi seçdilər.
Zamanın əlində
bəzən solmuş bir şəkil kimi,
bəzən bir məktubun kənarında
yarımçıq bir söz oldular.
Amma heç zaman
öz ruhlarının gül bağını
başqasına satmadılar.
Ən kasıb günlərində belə,
ürəkləri var-dövlət idi.
Gül qadınlar —
tikanı da, ətri də öz içlərində daşıyan
yağışlı günəşlərdir.
Solanda belə,
yaddaşda ən gözəl çiçək kimi qalırlar.
ətirləri ilə tanıtdılar özlərini.
Göz yaşlarını yapraq kimi
gizlətdilər içlərinə,
solduqları yerdə
yenidən açmaq üçün…
Gül qadınlar —
gözü yaşlı qönçələrdilər bəzən,
amma
heç kim bilməzdi
neçə qasırğadan sağ çıxdıqlarını…
Əlləri torpaq kimi isti,
gözləri dəniz qədər dərin,
özlərini unudub
min ömrə yetəcək qədər
sevgini daşıdılar.
Gül qadınlar…
onlar sevilmək üçün doğulmadılar …
yalnız
sevmək üçün
özlərini silməyi seçdilər.
Zamanın əlində
bəzən solmuş bir şəkil kimi,
bəzən bir məktubun kənarında
yarımçıq bir söz oldular.
Amma heç zaman
öz ruhlarının gül bağını
başqasına satmadılar.
Ən kasıb günlərində belə,
ürəkləri var-dövlət idi.
Gül qadınlar —
tikanı da, ətri də öz içlərində daşıyan
yağışlı günəşlərdir.
Solanda belə,
yaddaşda ən gözəl çiçək kimi qalırlar.
Son xəbərlər
Ən çox oxunanlar
- Bu gün
- Bu həftə
- Bu ay
