“Taşacak Bu Deniz” serialının aktyorları Ali Önerlə Zeynep Atılqanın sevgili olduğu rəsmən təsdiqlənib.

“Qafqazinfo” xəbər verir ki, bu barədə Ali Öner instaqramda paylaşım edib.

Aktyor bildirib ki, əvvəlki münasibəti Zeyneplə səmimi bağlar qurmadan öncə başa çatıb.

O qeyd edib ki, Zeyneplə eyni çəkiliş meydançasında işləyərkən bir-birilərini daha yaxından tanımaq imkanı qazanıblar.

Aktyorun sözlərinə görə, aralarında yaranan etibar zamanla sevgiyə çevrilib.

Xatırladaq ki, bir müddət əvvəl Ali Önerin keçmiş nişanlısı Livanur Aydın aktyorun serialda “Fadime” obrazını canlandıran Zeynep Atılqanla ona xəyanət etdiyini bildirmişdi.

Qeyd edək ki, daha əvvəl Zeynep Atılqanın serialdakı tərəf müqabili Erdem Şanlı ilə də eşq yaşadıqlarına dair iddialar yayılmışdı.