Xəbərlər
25.10.2026, 00:07
Gülnarə Məhəmmədqızı : Həyat Səhnəsi - FOTO
Yazılmış taleyin bir səhnəsiydi.
Alıban bir stəkan çay da əlimə,
Baxdığım ömrümün hekayəsiydi.
Pərdə arxasında qurulan oyun,
Bir qız taleyinin sınağı idi.
Sevgisi gözündə şirin bir röya,
Xəyanət bu eşqin qınağı idi.
O qız bir tumurcuq, yaz nəfəsiydi,
Hələ tanımırdı saxta üzləri.
Sanki bir ulduzdu, parıldayırdı,
Göylərdən nur saçan gülən gözləri.
O hələ bilmirdi həyat dediyi,
Bu dünya bir sevgi nağılı deyil.
Bəzən də taleyin ən ağır hökmü,
Hər kəsin seçimi, nə ağlı deyil.
Bu anda çox hisslər bürüdü məni,
İçimdə fırtına çağlayıb susdu.
Alqışlar səsinə gülümsəyən qız,
Gülüşlər altında ağlayıb susdu.
Səhnələr bitincə çayım soyudu,
Görəsən o qızın nəydi günahı?
Bir anlıq diksinib yerimdən durdum,
Baş roldakı o qız mən idim axı.
Son xəbərlər
Ən çox oxunanlar
- Bu gün
- Bu həftə
- Bu ay
