Türkiyənin “Kanal D” telekanalı uzun illərdir “Ev Gezmesi” proqramına aparıcılıq edən Evrim Akınla yollarını ayırıb.

"Turaztv.az" “Qafqazinfo”-ya istinadən xəbər verir ki, layihədə struktur dəyişikliyi edilərək, proqramın adı “Pazar Gezmesi” olaraq dəyişdirilib.

Bundan sonra proqramı Asiye Acar təqdim edəcək. Beləliklə, “Pazar Gezmesi” tamaşaçıların qarşısına yeni format və yeni aparıcı ilə çıxacaq.

Qeyd edək ki, “Bez Bebek” serialının çəkiliş meydançasında baş verdiyi iddia olunan hadisələrlə bağlı səslənən açıqlamalar medianın gündəmindədir. Belə ki, serialda “Yağmur” obrazına həyat verən aktrisa Asena Keskinci illər sonra serialdakı təcrübələrindən danışaraq, çəkiliş zamanı psixoloji təzyiqə məruz qaldığını açıqlayıb. O, baş rol ifaçısı Evrim Akınla (“Nana”) bağlı bir sıra ittihamlar irəli sürüb. E.Akın isə vəkilləri vasitəsilə iddiaların hamısını rədd edib.