Xəbərlər
9.06.2026, 17:50
M.Ə.Sabirin Şamaxıdakı Ev-Muzeyində 15 iyun-Milli Qurtuluş Günü ilə əlaqədar dəyirmi masa keçirildi - FOTO
“Xalqa bağışlanan ömür-Heydər Əliyev fenomeni ”mövzusunda keçirilən tədbirdə, öncə Ulu öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edildi.
Tədbiri giriş sözü ilə açan muzeyin direktoru Rəqsanə Xəlilzadə çıxış edərək bildirdi ki, Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların əsası qoyulub. Belə günlərdən ən önəmlisi tariximizə qızıl hərflərlə yazılmış 15 iyun Milli Qurtuluş Günüdür. Milli Qurtuluş Günü Azərbaycan xalqı üçün böyük ictimai-siyasi və tarixi əhəmiyyətə malik bir gündür. Bu tarixi yaradan isə Azərbaycanın müstəqilliyinin qorunub saxlanılmasında, möhkəmlənməsində, inkişafında müstəsna rol oynayan, daim xalqına arxalanan Ümummilli Lider Heydər Əliyevdir. 1993-cü ilin iyununda Heydər Əliyevin Bakıya qayıdışı ilə xalq rahat nəfəs aldı, Azərbaycanın müstəqilliyi əbədi və dönməz oldu. Ölkəmiz dünyada layiqli yerini tutdu, regionda gələcəyə inamla baxan güclü lider dövlətə çevrildi. Ulu öndərin misilsiz siyasi məharəti, zəngin dövlətçilik təcrübəsi, möhkəm qətiyyəti və uzaqgörənliyi sayəsində xalqımızın ən böyük çətinlikləri, milli dövlətçiliyimizin itirilməsinə səbəb ola biləcək problemlər qısa zamanda həll edildi.
Daha sonra muzeyin əməkdaşı M.Kərimova Ulu Öndərin həyat və yaradıcılığından, keçdiyi ömür yolundan söhbət açdı,vurğuladı ki, Ulu Öndər Heydər Əliyevin əziz xatirəsi dərin hörmət, sevgi və məhəbbətlə yad ediləcək, xalqımız onu unutmayacaqdır.
Rəqsanə XƏLİLZADƏ
M.Ə.Sabirin Şamaxıdakı Ev-Muzeyinin direktoru
Son xəbərlər
Ən çox oxunanlar
- Bu gün
- Bu həftə
- Bu ay
