Xəbərlər
8.11.2025, 21:04
AZƏRBAYCAN-ANA YURDUM - FOTO
ZƏFƏR GUNUN MÜBARƏKDİR ƏZİZ XALQIM...
AZƏRBAYCAN-ANA YURDUM
Azərbaycan-doğma elim,
Azərbaycan-ana yurdum.
Görən gözüm, deyən dilim,
Sinən üstə yuva qurdum.
Son ünvanım, əzəl adım,
Məşəl kimi yandın müdam.
Ögeylərə yapışmadın,
Sənə yada mən də yadam.
Sahibsiz yağı malıtək,
Yağmalandın zaman-zaman.
Bilirdim ki, çəkiləcək,
Başın üstən bu çən, duman.
Oğulların səngər-səngər,
Sıralandı, çəpər oldu.
Hər birisi bir igid ər,
Sinələri sipər oldu.
Nərgizləndin, lalələndin,
Ürəyimdə bitən oldun.
Güllə-güllə şölələndin,
Şəhid-şəhid Vətən oldun.
Qarı düşmən hiylə, fənddə,
Gözlərimiz nələr gördü.
Xocalıda, Xocavənddə
Anaları mələr gördü.
Gen düzləri, sərt dağları,
Yarıb keçdi şanlı ordum.
Yox elədi murdarları,
Azad oldu ana yurdum.
Sevindi torpağın, daşın,
Şanlı Ordum qisas aldı.
Azərbaycan, hər qarışın
Bizə şirin bir vüsaldı!
Son xəbərlər
Ən çox oxunanlar
- Bu gün
- Bu həftə
- Bu ay
