Xəbərlər
20.10.2025, 18:23
BEŞ BİRİNCİ İÇİNDƏ BİR İNCİ- QILMAN İMAN - FOTO
Qələbə Tibb Mərkəzi MMC-nin direktoru,
Provizir,həkim,Tibb üzrə fəlsəfə doktoru
Qayıdış yolu
Səni tanıyandan sizin şəhərin,
Qonağı olmuşam bəlkə yüz kərə.
Düşüb arxasınca xatirələrin,
Gəldim salam deyəm ötən günlərə.
Necə var qalıbdı o yol, o küçə,
Dəyişən bizlərik zamanla, fəqət.
Qonşular yatanda görüşə gecə -
Gələrdim, gətirib sənə məhəbbət.
Sevda yollarında ömür sürməyə,
Bəxtdən pay istədim, pay çıxdı cəngə.
Kasıb aşiqiydim - sənə verməyə,
Heç nəyim yoxuydu, sevgidən özgə!
Vüsala dönəcək həsrət anları,
Həyacan yaradan ən əziz dərdim.
Qalxdıqca o sizin pilləkanları
Sanki zirvələri fəth eləyirdim.
Yanına çatınca alacağım kam -
Sıxardı, bu yorğun canda canımı.
Qapı arxasında yumşaq bir salam -
Verib, qucaqlardın həyacanımı.
Sonra açılardı "kefi" kefinin,
Yaşardıq, yaşanmaz xoşbəxtliyi biz.
Ətrinə bələnib ətri evinin
Ruhumu oxşardı səndən xəbərsiz.
Göz oxşar düzdüyün büllur qab-qacaq,
Qulluğun bir ayrı sevgiydi mənə.
Süfrədə yüz nemət olsa da, ancaq
Yeməmiş doyardım baxdıqca sənə.
Hərdən nazı elə qəşəng satardın,
Kim görsə, gülərdi bizim "alverə" .
Bəzən də duzdan çox sevgi qatardın
Mənə bişirdiyin o yeməklərə.
Gecəni oxşayıb əlin əlimdə,
Zamanı saxlardıq düz səhərədək.
Qalıb barmağının izi belimdə,
Səndən xatirədir - qəlpə yeritək.
Həmişə dar gəldi gözünə Bakı,
Gördüyün hər görkü, gözlərinə keç.
O qədər görüşdük qaranlıqdakı
Sevgimiz çıxmadı aydınlığa heç.
Duymurdum qəlbini elə sanma ki,
Onda hər dərdimiz-sərimiz birdi.
"Yaxşı yol" - desə də dilin, amma ki
Gözlərin arxamca "qayıt" deyirdi.
Ay quzum, nə deyim taleyə axı
Vaxt gedir, biz deyən bəs haçan olur?
Kipriyim süpürüb tozu-torpağı,
Gözlərim yol çəkir - qayıdış yolu.
Qonağı olmuşam bəlkə yüz kərə.
Düşüb arxasınca xatirələrin,
Gəldim salam deyəm ötən günlərə.
Necə var qalıbdı o yol, o küçə,
Dəyişən bizlərik zamanla, fəqət.
Qonşular yatanda görüşə gecə -
Gələrdim, gətirib sənə məhəbbət.
Sevda yollarında ömür sürməyə,
Bəxtdən pay istədim, pay çıxdı cəngə.
Kasıb aşiqiydim - sənə verməyə,
Heç nəyim yoxuydu, sevgidən özgə!
Vüsala dönəcək həsrət anları,
Həyacan yaradan ən əziz dərdim.
Qalxdıqca o sizin pilləkanları
Sanki zirvələri fəth eləyirdim.
Yanına çatınca alacağım kam -
Sıxardı, bu yorğun canda canımı.
Qapı arxasında yumşaq bir salam -
Verib, qucaqlardın həyacanımı.
Sonra açılardı "kefi" kefinin,
Yaşardıq, yaşanmaz xoşbəxtliyi biz.
Ətrinə bələnib ətri evinin
Ruhumu oxşardı səndən xəbərsiz.
Göz oxşar düzdüyün büllur qab-qacaq,
Qulluğun bir ayrı sevgiydi mənə.
Süfrədə yüz nemət olsa da, ancaq
Yeməmiş doyardım baxdıqca sənə.
Hərdən nazı elə qəşəng satardın,
Kim görsə, gülərdi bizim "alverə" .
Bəzən də duzdan çox sevgi qatardın
Mənə bişirdiyin o yeməklərə.
Gecəni oxşayıb əlin əlimdə,
Zamanı saxlardıq düz səhərədək.
Qalıb barmağının izi belimdə,
Səndən xatirədir - qəlpə yeritək.
Həmişə dar gəldi gözünə Bakı,
Gördüyün hər görkü, gözlərinə keç.
O qədər görüşdük qaranlıqdakı
Sevgimiz çıxmadı aydınlığa heç.
Duymurdum qəlbini elə sanma ki,
Onda hər dərdimiz-sərimiz birdi.
"Yaxşı yol" - desə də dilin, amma ki
Gözlərin arxamca "qayıt" deyirdi.
Ay quzum, nə deyim taleyə axı
Vaxt gedir, biz deyən bəs haçan olur?
Kipriyim süpürüb tozu-torpağı,
Gözlərim yol çəkir - qayıdış yolu.
Son xəbərlər
Ən çox oxunanlar
- Bu gün
- Bu həftə
- Bu ay
