Xəbərlər
19.10.2025, 22:16
PAYIZIN İÇİNDƏN KEÇIB GEDİRƏM - FOTO
şairə - publisist
Yığmışam illəri duyğularıma,
Payızın içindən keçib gedirəm.
Yarpaqlar ələnir uyğularıma,
Bir ömrün həsrətin içib gedirəm,
Payızın içindən keçib gedirəm.
Ələnir budaqdan, ələnir necə!
Ələnir gündüzlər ələnir gecə.
Vaxtımın çoxunu vermişəm hecə,
Durna qatarı tək köçüb gedirəm,
Payızın içindən keçib gedirəm.
Sapsarı yarpaqlar utancaq gəlin,
Güzgüsü torpaqdır, darayır telin.
Yaşadın ömrünün sazağın, yelin,
Ruhun pərisitək uçub gedirəm,
Payızın içindən keçib gedirəm.
Titrədir xəzəllər könül tarımı,
Nəğməyə bələyir söz gülzarımı,
Çırpıb, silkələyib olan barımı,
Könlümcə olanı seçib gedirəm,
Payızın içindən keçib gedirəm.
Haqlayıb, yol gedir məninlə qoşa,
Yüklənib çəkdiyim qəmimlə qoşa.
Qıydı gəncliyimə, baxmadı yaşa,
Qəmimi boynuma biçib gedirəm,
Payızın içindən keçib gedirəm.
Payızın içindən keçib gedirəm.
Yarpaqlar ələnir uyğularıma,
Bir ömrün həsrətin içib gedirəm,
Payızın içindən keçib gedirəm.
Ələnir budaqdan, ələnir necə!
Ələnir gündüzlər ələnir gecə.
Vaxtımın çoxunu vermişəm hecə,
Durna qatarı tək köçüb gedirəm,
Payızın içindən keçib gedirəm.
Sapsarı yarpaqlar utancaq gəlin,
Güzgüsü torpaqdır, darayır telin.
Yaşadın ömrünün sazağın, yelin,
Ruhun pərisitək uçub gedirəm,
Payızın içindən keçib gedirəm.
Titrədir xəzəllər könül tarımı,
Nəğməyə bələyir söz gülzarımı,
Çırpıb, silkələyib olan barımı,
Könlümcə olanı seçib gedirəm,
Payızın içindən keçib gedirəm.
Haqlayıb, yol gedir məninlə qoşa,
Yüklənib çəkdiyim qəmimlə qoşa.
Qıydı gəncliyimə, baxmadı yaşa,
Qəmimi boynuma biçib gedirəm,
Payızın içindən keçib gedirəm.
Son xəbərlər
Ən çox oxunanlar
- Bu gün
- Bu həftə
- Bu ay
