Xəbərlər
25.09.2026, 01:26
Tubu İmanova : Bəlkə də bu dəniz dərdimi bilər... - FOTO
Dənizin seyrini istəyir könlüm,
Ləpələr elə bil qucaq açıbbdır.
Yüklənib köksümə həsrətin adı,
Sevinc elə bil ki, məndən qaçıbdır.
Seyrinə çıxmışam mavi dənizin,
Susub danışmıram, lal dayanmışam.
Qarşımda gördüyüm görüş yerimiz,
Ötən günlərimə mən boylanmışam.
Ayrılmaq istədim röyalarımdan,
Elə bil göy dəniz qəsdimə durdu.
Xəyala dalmışam bayaqdan bəri,
Dəniz tumarlayıb saçımı yudu.
Sakit dayanmışam sahildə yenə,
Gözlərim yol çəkir, dara düşmüşəm.
Sanki mən yuxuda dəniz görmüşəm,
Ayılmaq istədim, düşündüm yenə.
Dərdimi dənizə deyib gəlmişəm,
Dalğalar dinlədi dərdimi mənim.
Sahildə oturub susub ağladım,
Sulara qarışdı göz yaşım mənim.
Dənizin qoynunda xəyala daldım,
Hər dalğa bir xatirə gətirdi mənə.
Bir zaman yaşanan o gözəl günlər,
Yenidən canlandı gözlərim önə.
Küləklər saçımı oxşadı sakit,
Sanki bir əl idi toxunan mənə.
Uzaqda bir qayıq göründü yenə,
Ümidim boylandı mavi dənizə.
Gecənin qoynunda ay da susmuşdu,
Ulduzlar səpilib göyün üzünə.
Mən yenə dərdimi söylədim suya,
Dəniz sirr saxladı mənim sözümdə.
Bəzən insan dərdin bölmək istəyir,
Nə bir dost tapılır, nə də bir nəfər.
Onda sahil olur ən yaxın sirdaş,
Dalğalar danışır, susur şəhərlər.
Dəniz, sən bilirsən ürəyimdə nə var,
Sən gördün gizlicə ağlayan məni.
Hər dəfə sahilə gələndə yenə,
Sulara danışdım söylədim səni.
Bəlkə də bir günlər dönər o çağlar,
Yenidən gülərəm keçən günlər tək.
Sahildə oturub gözlərəm yolu,
Ümidlə baxaram mavi dənizə.
İndi gedəcəyəm sahildən yenə,
Qəlbimdə min fikir, min arzu qalır.
Dənizin səsində bir təsəlli var,
İnsan dərd içində yenə də qalır.
Dərdimi dənizə deyib gəlmişəm,
Ləpələr dərdimi aparıb getsin.
Ürəyim yorulub, bir az dincəlsin,
Həsrətin yükünü dalğalar çəksin.
Dərdimi dənizə deyib gəlmişəm,
Sirrimi dalğalara verib gəlmişəm.
Sahildə bir xatirə qoyub yenə,
Mən özüm-özümə dönüb gəlmişəm.
Dəniz yenə mavi, sahil yenə lal,
Dalğalar danışır gecədən səhər.
Mən isə susuram, dinləyirəm mən,
Bəlkə də bu dəniz dərdimi bilər...
Son xəbərlər
Ən çox oxunanlar
- Bu gün
- Bu həftə
- Bu ay
