Xəbərlər
6.06.2025, 23:52
Mayıl Alıcanova “Fəxri Ağsaqqal” döş nişanı təqdim olunub - FOTOLAR
İyun ayının 5-də Şamaxı rayon Ağsaqqallar Şurasının illik hesabat konfransı keçirilib.
Tədbirdə Azərbaycan Ağsaqqallar Şurasının sədr müavini, millət vəkili, professor Eldar İbrahimov, Şamaxı Rayon İcra Hakimiyyətinin başçısı Tahir Məmmədov, Milli Məclisin deputatı Tamam Cəfərova, digər rəsmi şəxslər, həmçinin ADPU-nun Şamaxı filialının nümayəndələri iştirak ediblər.
Konfransda Şamaxı Rayon Ağsaqqallar Şurasının sədri, ADPU-nun Şamaxı filialının Sosial və xüsusi fənlər kafedrasının dosenti, tarix üzrə fəlsəfə doktoru Mayıl Alıcanov son dövr ərzində görülən işlər barədə hesabatla çıxış edib.
Tədbirdə çıxış edən icra başçısı Tahir Məmmədov ağsaqqalların cəmiyyətin mənəvi dayağı olduğunu vurğulayaraq, onların dövlət tərəfindən daim yüksək qiymətləndirildiyini bildirib. Millət vəkili Tamam Cəfərova isə ağsaqqalların gənc nəslin tərbiyəsindəki roluna diqqət çəkərək, onların nüfuzunun daha da artırılmasının vacibliyini qeyd edib.
Konfrans çərçivəsində Mayıl Alıcanov 85 illik yubileyi və ictimai fəaliyyətinə görə “Fəxri Ağsaqqal” döş nişanı ilə təltif olunub. Təltifi Eldar İbrahimov təqdim edərək Alıcanovun həm təhsildə, həm də ictimai həyatda göstərdiyi xidmətləri yüksək dəyərləndirib.
ADPU-nun Şamaxı filialının direktoru dosent Tünzalə Yusifova və kollektivimiz adından Mayıl Alıcanovu təbrik edir, fəaliyyətində uğurlar arzu edirik.
Son xəbərlər
Ən çox oxunanlar
- Bu gün
- Bu həftə
- Bu ay
