2023-cü ilin may ayı ərzində Bakı metropolitenindən 566 min 346 nəfəri ödənişsiz olmaqla, 20 milyon 48 min 294 sərnişin istifadə edib.

Turaztv.az AZƏRTAC-a istinadən xəbər verir ki, ay ərzində orta statistik hesabla 646 min 719 sərnişinə daşıma xidməti göstərilib. Ən çox sərnişin may ayının 1-də (779 min 124), ən az sərnişin ayın 14-də (349 min 78) daşınıb.

COVID-19 pandemiyası elan edilənə qədər - 2019-cu ilin eyni dövrünə nəzərən 6.4 faiz az, ötən ilin mayına nəzərən 10.7 faiz çox sərnişin metropolitendən istifadə edib.

2023-cü ilin 5 ayı ərzində Bakı metropoliteni 96 milyon 784 min 143 sərnişin daşıyıb. Bu, 2019-cu ilin eyni dövrü ilə müqayisədə 6.9 faiz az, 2022-ci ilin həmin dövrünə nəzərən 12.4 faiz çoxdur.