Həyat insana bir dəfə verilir. Bu həyatı necə yaşamaq isə o insanın özündən çox asılıdır. Məhəmməd Fərid oğlu Qəmbərov da bu həyatı yaşayır – çox Namusla. Şərəflə, KİŞİ kimi! Kişi sözünü son zamanlar elə xırdalayıblar, incələyiblər ki, az-çox bu sözü özündə yaşadan insanları görəndə hələ də təəccüblənirsən və öz-özünə təsəlli üçün deyirsən: nə yaxşı belə kişilərin nəsli kəsilməyib!
Məhəmməd mənim qələm dostum, sabiq əməkdaşımız "Qızıl Qələm" və bir neçə media mükafatı laureatı Şəhla xanımın əziz-xələfidir. Biz bu əziz-xələfə nə arzulaya bilərik? İlk növbədə möhkəm cansağlığı, sağlam ömür, xoşbəxtlik, saflıq, paklıq və təhsil aldığı BDU da uğurlar arzulayırıq. Ona onun qədrini bilən, nazını çəkməyə layiq olan, əqidəcə uyğun gələnlərlə dost olmağı, sirdaş olmağı tövsiyyə edirəm. Təbii ki, insan dostu seçəndə qıza elçi gedəndə etdiyi seçimi etməlidir. Yəni onun məsuliyyəti qədər məsuliyyət olmalıdır bu seçimdə. İnanıram ki, Məhəmməd balamız da dost seçməkdə, bu yolu sonadək getməkdə heç zaman yanılmayacaq!
Sənə qarşıdakı həyat yollarında sonsuz uğurlar arzulayırıq…
Sizə dərin hörmətlə;

Cəmil Zəbhulla oğlu Dadaşov