Təqvimdə hər bir insanın özəl, ona aid bir günü olur. İnsan özünü bu günün qəhrəmanı hiss edir bir növ… Dostumuz, saytımızın admini Cavidanın bu gün ad günü, şad günü, özəl günüdür! Mən öz ad günümdə nədənsə çox qəribə hisslər keçirirəm… Sözlər, sətirlər, cümlələr ifadə etməz bu günün xüsusiliyini… elə qəribədir ki təəssüratları… elə bənzərsizdir ki yaşatdıqları… Bu günü insan nədənsə etinasız yaşaya bilmir… Geriyə, yaşadıqlarına nəzər salmaya bilmir… Dönüb arxasına boylananda istər kədərqarışıq təəssüf, istərsə də “kaş ki” deməyə səbəb axtarmaya bilmir. Bütün yaşadıqlarını kino lenti kimi yaddaşında canlandırmaya bilmir. Görəsən niyə? Bu, təkcə məndəmi belə olur, ya hamıda belədir? Bunu da bilmirəm… Hər keçən il insan məsuliyyətini daha da artırır… Bəzən zamanı dondurmaq istəyirsən, amma zaman öz hökmünü özü verir axı… Hakim odur… İllər, saatlar, saniyələr onun hökmüylə dönür… Bəs görəsən niyə uşaqlıqda tez böyüməyi arzuladığımız halda indi zamanı dondurub, ya da arxaya çevirib uşaq olmaq istəyirik… Bəlkə qayğılardan məsuliyyətdən qaçmaq istəyirik… “keçən günlərimi qaytaraydılar, gələn günlərimi qurban verərdim”- deyirik… Amma hər halda geridə buraxdığımız acılı-şirinli günlərlə, anlarla, saniyələrlə bərabər yaşadığımız hər yaş bizimdir… Elə yaşamalıyıq ki, geri boylandıqda etdiyimiz əməllərdən xəcalət çəkməyək, əksinə yaşadıqlarımızdan qürur duyaq, onu gələcəyimizə bir stimul, bir bünövrə hesab edək… Hə bu gün sədaqətli dost, jurnalistlərin dostu Cavidan Orucovun 30 yaşı tamam olur. İnsan doğulduğu gün ona ad vermirlər ki??? Bəs görəsən niyə ad günü deyirik doğum günümüzə? Nəysə… İnsanlar zəng edir… təbrik edir… Yaddaşlarda olduqları üçün sevinirlər də… zəng edənlərim varsa, deməli, kimlərinsə qəlbində iz salmısan… Xatırlandığın üçün sevinirsən… Amma qəlbimdə bir hüzn var sanki… “İllər nə tez keçdi?” – deyirsən öz-özünə… Əziz dost! Bu illərin sınağından keçərək növbəti ad gününü keçirirsən. Sənə cansağlığı, uzun ömür, xoşbəxtlik, sağlam həyat, ailə səadəti, övlad toyu arzulayıram. Qoy başının üstündəki buludlar tez bir zamanda yox olsun, üzünü açıq səmaya doğru tutasan. Doğum günün mübarək!

Cəmil Dadaşov