Azərbaycanda peyk üzərindən yüksək keyfiyyətli və etibarlı internet təmin etmək məqsədilə “Azconnexus” peyk interneti platforması istifadəyə verilib.

Turaztv.az Ölkə.Az-a istinadən xəbər verir ki, bu barədə "Azərkosmos" məlumat yayıb.

“Azconnexus” platforması “Azərkosmos”un operatoru olduğu “Azerspace-1” telekommunikasiya peyki vasitəsilə fasiləsiz, təhlükəsiz və yüksək keyfiyyətli internet xidməti təqdim edəcəyi gözlənilir.

“Azconnexus” kabel internetinin, mobil rabitənin zəif və ya mövcud olmadığı, 3G / LTE şəbəkəsinin sürətinin aşağı olduğu ərazilərdə yerləşən
müəssisələri sürətli internet ilə təmin edəcək", - deyə qurumdan bildirilib.