Xəbərlər
19.10.2026, 01:34
Həsənxan ƏSƏDOV : İnsanlıq saxtalaşıbdır - FOTO
Bilinmir çoxunun neçə üzü var.
Bu yazıq dünyanın sinəsi üstə,
Neçə harmzada, nadan izi var.
Yalan ayaq tutub yeriyir burda,
Şorun qiymətinə satılır vicdan.
Ağrını-acını necə yeyirsən?
-Yoxdur bir axtaran, soruşan acdan.
Cəmiyyət kor olub nəfsin üzündən,
Aldanır şeytana, satılır insan.
Sevib böyütdüyü övlad əliylə,
Qocalar evinə atılır insan.
Ədalət qan qusur, alov kişnəyir,
İnsanlıq qapısın pul açır indi.
Aqil için yeyir, ruhu göynəyir,
Yaltağın baxtısa gül açır indi.
Deputat, naziri təxtü-taca qurur,
Milyonlar qoyurlar qumarda, barda.
Göstərir özünü mələk cildində,
Quzu tapşırılıb yalquzaq qurda.
Dindən xəbərsizlər dərs deyir dindən,
Unudub millətin dərd, acıların.
Günahı yığıla ayaq altına,
Başı ərşə dəyər çox hacıların.
Arın ətəyinə büküb gəzən var,
Şər-böhtan at çapır, haqq yürüməyir,
Dünyanın gözünə barıt səpilir,
Torpağa tökülən qan qurumayır.
Düzlük özün asıb, güvən qırılıb,
Vicdanlar quruyub taxtalaşıbdır.
Həsənxan,dünyanın gözü qaynayıb,
İçində insanlıq saxtalaşıbdır.
15.10.2026
Son xəbərlər
Ən çox oxunanlar
- Bu gün
- Bu həftə
- Bu ay
