Xəbərlər
16.10.2026, 22:16
Rauf dostum ("Həkəri" qəzetinin redaktoru, şair-publisist, yaxın dostum Rauf İlyasoğluna)
El içində çox hörmətli,
Vətəninə sədaqətli,
Bir insandır Rauf dostum.
Bal təki şirin dili var,
Qələmi ilə sevinc paylar,
Dost-tanışa hörmət qoyar,
Xoş əməlli Rauf dostum.
Çox təmkinli, uzaqgörən,
Danışanda üzə gülən,
Məclislərdə yerin bilən,
Bir şairdir Rauf dostum.
Qarabağlı balasıdır,
Mətbuatın aynasıdır,
Daş özüllü qalasıdır,
Dağ vüqarlı Rauf dostum.
Bərkdən-boşdan keçibdir o,
Haqq yolunu seçibdir o,
Çoxuna yol açıbdır o,
Mərd kişidir Rauf dostum.
Qoy, ilhamı aşıb daşsın,
Xoş günlərlə qarşılaşsın,
Emin deyir yüz yaşasın,
Geniş qəlbli Rauf dostum.
AYB-nin və AJB-nin üzvü, "Qızıl Qələm", "İlin vətənpərvər şairi",
"Xarıbülbül", "Məhsəti Gəncəvi", "Həsən bəy Zərdabi" media mükafatları laureatı,
Zəfər diplomçusu, Prezident mükafatçısı, Qəbələ rayonu Bum qəsəbəsi.
Son xəbərlər
Ən çox oxunanlar
- Bu gün
- Bu həftə
- Bu ay
