Xəbərlər
30.09.2026, 23:08
Daşdəmir ƏJDƏROĞLU : YARPAQ ÖMRÜ - FOTO
(Bicolu dostum Ceymur Əhmədin evindəki tut ağacının altında oturanda stolun üstünə saralmış bir yarpaq düşdü...)
Payız gəldi, bağlar yenə saraldı,
Külək əsdi, budaqlardan yaraldı,
Bir yarpaq da torpaqlara boylandı,
Dünyanın sirridir o yarpaq ömrü.
Bahar gəldi, dağ döşündə gül açdı,
Çaylar axdı, daşlar üstə yol açdı,
Hər tumurcuq öz sirrini dil açdı,
Təbiətin dilidir o yarpaq ömrü.
Səhər düşdü, şehə büründü çəmən,
Günəş qalxdı, nur saçıldı hər yerdən,
Bir yarpaq da boylandı öz yerindən,
Ömrün ilk nəfəsidir o yarpaq ömrü.
Külək gəldi, sarı yarpaq titrədi,
Ağac susdu, budaq dərindən əsdi,
Torpaq üstə saralmış yarpaq düşdü,
Son ayrılıq yeridir o yarpaq ömrü.
İnsan gəlir, bir gün gedir dünyadan,
İz axtarır keçdiyi hər yollardan,
Adı qalır sevgidən, yaxşılıqdan,
Ömrün əmanətidir o yarpaq ömrü.
Nə ucalıq əbədi, nə də şöhrət,
Nə sərvət var, nə də bitməyən dövlət,
Qaldı yalnız ürəklərdə məhəbbət,
Bizə yadigardır o yarpaq ömrü.
Bir yarpaqdır bu dünyanın hər günü,
Bir gün yazdır, bir gün payız sürgünü,
Hər nəfəsdə gizlənir ömrün sonu,
Zamanın hökmüdür o yarpaq ömrü.
Ey könlüm, sən bu dünyada iz burax,
Yaxşılıq et, könüllərdə bir çıraq,
Gün gələndə sən də düşərsən, yarpaq,
İnsanlıq payıdır o yarpaq ömrü.
Külək əsdi, budaqlardan yaraldı,
Bir yarpaq da torpaqlara boylandı,
Dünyanın sirridir o yarpaq ömrü.
Bahar gəldi, dağ döşündə gül açdı,
Çaylar axdı, daşlar üstə yol açdı,
Hər tumurcuq öz sirrini dil açdı,
Təbiətin dilidir o yarpaq ömrü.
Səhər düşdü, şehə büründü çəmən,
Günəş qalxdı, nur saçıldı hər yerdən,
Bir yarpaq da boylandı öz yerindən,
Ömrün ilk nəfəsidir o yarpaq ömrü.
Külək gəldi, sarı yarpaq titrədi,
Ağac susdu, budaq dərindən əsdi,
Torpaq üstə saralmış yarpaq düşdü,
Son ayrılıq yeridir o yarpaq ömrü.
İnsan gəlir, bir gün gedir dünyadan,
İz axtarır keçdiyi hər yollardan,
Adı qalır sevgidən, yaxşılıqdan,
Ömrün əmanətidir o yarpaq ömrü.
Nə ucalıq əbədi, nə də şöhrət,
Nə sərvət var, nə də bitməyən dövlət,
Qaldı yalnız ürəklərdə məhəbbət,
Bizə yadigardır o yarpaq ömrü.
Bir yarpaqdır bu dünyanın hər günü,
Bir gün yazdır, bir gün payız sürgünü,
Hər nəfəsdə gizlənir ömrün sonu,
Zamanın hökmüdür o yarpaq ömrü.
Ey könlüm, sən bu dünyada iz burax,
Yaxşılıq et, könüllərdə bir çıraq,
Gün gələndə sən də düşərsən, yarpaq,
İnsanlıq payıdır o yarpaq ömrü.
Son xəbərlər
Ən çox oxunanlar
- Bu gün
- Bu həftə
- Bu ay
