Xəbərlər
10.07.2026, 23:01
Hələ bir az sev - FOTO
(Turan Yazarlar Birliyinin üzvü, “Həməşəra” Fəxri Diplomu, “Ziyadar” Mükafatı,
TYB-nin xüsusi Ödülü, "Tomris" Ödülü və “Turan Ödülü” laureatı, bədii qiraətçi, yazıçı-şair)
Məni unutmağa nə tələsirsən?
Daş ki daşımırsan,qaya yarmırsan.
Sənin ürəyində yerim rahatdır
Məni bu mənzildə sevib yormursan.
Hələ bir az sev.
Günəşi, səmanı lap özün kimi
Sən məni sevdikcə tanıyacaqsan,
Əsl ömür nədir, yaşamaq nədir
Sən məni sevdikcə anlayacaqsan.
Hələ bir az sev.
Düşün dərin - dərin son qərarını,
Kövrək ürəyində kim güləcəkdir?
Təpədən dırnağa tanıyıb səni,
Mən getsəm yerimə kim gələcəkdir?
Hələ bir az sev.
Son xəbərlər
Ən çox oxunanlar
- Bu gün
- Bu həftə
- Bu ay
