Turan Yazarlar Birliyinin sədri Turan sevdalısı, Turan Xalq şairi, Azərbaycan Yazıçılar Birliyinin üzvü və "Turan Ödülü", "Ustad Niftalı Göyçəli" Ödülü və "Həməşəra" Fəxri Diplomu lauteatı, türkoloq, aşıq, yazıçı-şair hörmətli ustadımız Niftalı Göyçəlidir.
TYB-nin bir sədri və müxtəlif ölkələr, həmçinin, ayrı-ayrı sahələr barədə məsuliyyət daşıyan 11 nəfərdən ibarət İdarə Heyəti vardır.
Turan Yazarlar Birliyi siyasi partiya və ya qeyri-hökumət təşkilatı deyil, əslində ədəbi yaradıcılıq sosial bazası üzərində formalaşmış bir ədəbi birlikdir. Bu ədəbi birliyin məfkurəsi həm də, əsası 03 oktyabr 2009-cu il tarixində Naxçıvan Muxtar Respublikasının Naxçıvan şəhərində qoyulmuş Türk Dövlətləri Təşkilatının (TDT) qarşıya qoyduğu məramı ilə bağlıdır...

TYB-nə üzv olmağın şərtləri...

Turan Yazarlar Birliyinə üzv olmağın şərtləri aşağıdakılardan ibarətdir:
1. Könüllülük (TYB-nə üzv olmaq istəyən namizəd şəxsən TYB-nin sədri və ya TYB-nin İdarə Heyətinin üzvlərindən birinə şəxsən müraciət etməklə və ikinci halda həmin üzvün zəmanəti əsasında);
2. TYB-nə üzv olmaq istəyən şəxsin gözəl ictimai davranış və əxlaqi keyfiyyətlərə malik olması;
3. TYB-nə üzv olmaq istəyən şəxsin türkçülük, Turan və turançılıq məfkurəsi sahəsində (şeir, nəsr, ədəbi təhlil və tənqid, esse, hekayə, povest, roman, həmçinin, bədii qiraət və s. sahələrində) diqqəti cəlb edəcək müddət ərzində bədii yaradıcılıqla məşğul olması...
TYB-nin yuxarıda göstərilən şərtlər əsasında üzvülüyə qəbul edilən şəxsə TYB-nin xüsusi üzvülük vəsiqəsi təqdim edilir.

Müxtəlif ödüllər və fəxri adlar...

Türkçülük, Turan və turançılıq məfkurəsi sahəsində bədii yaradıcılıqla məşğul olan yaradıcı şəxslərə TYB-nin İdarə Heyətinin qərarı əsasında "Turan Yazarlar Birliyinin Ödülü", "Tomris Ödülü", "Hüseyn Cavid Ödülü", "Qədir Aslan Ödülü", "Əzizə Cəfərzadə Ödülü" və s. bu kimi ödüllər təqdim edilir.
Turan Yazarlar Birliyinin ən ali ödülü isə "Turan Xalq şairi" və "Turan Xalq yazarı" fəxri adlarından iabrətdir. Bu fəxri adlar türkçülük, Turan və turançılıq məfkurəsi sahəsində əsaslı xidmətləri və uğurları olan şair və yazarlara TYB-nin İdarə Heyətinin qərarı əsasında verilir...

İlqar İsmayılzadə
(fəlsəfə üzrə fəlsəfə doktoru, "Həməşəra" mətbu orqanının təsisçisi və baş redaktoru, AJB, AYB və TYB-nin üzvü, TYB-nin İdarə Heyətinin üzvü, Turan Xalq yazarı, "Ziyadar" Mükafatı, "Qızıl Qələm" və "Zəfər" Media Mükafatları laureatı, teoloq, araşdırmaçı, tərcüməçi, yazıçı-publisist)
07.07.2026