Bu vəhdəti yaradan insanlardan biri də Cəlilabad ədəbi mühitinin tanınmış siması, öz yaxşı əməlləri ilə sayılıb-seçilən dəyərli qardaşım ilqar İsmayılzadədir. Mən İlqar müəllimi ilk dəfə " Həməşəra" ədəbi məclisinin üzvü olarkən tanımışam. Zaman insanları ya bir-birinə yaxın edir, ya da uzaqlaşdırır. İlqar müəllimi özündən əvvəl öz sadəliyi, qəlbigenişliyi bizə təqdim edib, kimliyindən söz açırdı . Mən bir müddətdən sonra ilqar müəllimin öz təşəbbüsü ilə yaratdığı bizim hər birimizin doğma ocağı olan "Həməşəra" səhifəsinin üzvü oldum. Mən bu səhifə ilə sadəcə tanış olmadım. Bu böyük səhifə həyatımda böyük dönüşlər etdi. İlqar qardaşımın "Həməşəra" səhifəsi ilə yanaşı doğma elimizə - Cəlilabada xidmət göstərən "Həməşəra" mətbu orqanının təsisçisi və baş redaktorudur. İlqar müəllim özünün getdiyi hər yola, hər zirvəyə bizi də özü ilə bərabər aparır. Təmənnasız yaxşılıq etmək hər insanın işi deyil. Cənub bölgəsində Cəlilabad ədəbi mühitinin nümayəndələrini öz qanadları altına alaraq yaşından, mövqeyindən, vəzifəsindən asılı olmayaraq hər birimizə dəstək olur.
İlqar müəllim 25.02.2025- ci il tarixində respublika üzrə ilk dəfə olaraq Cəlilabad xanım yazarlarının əsərini toplayaraq "Qələm tutan incə əllər" layihəsini həyata keçirərək, kitab halına salmış və təqdimatını etmişdir. Hətta, bununla kifayətlənməyib daha bir ilkə imza ataraq bizləri
" Həməşəra" Fəxri diplomu ilə təltif etmişdir.
İlqar müəllim əqidəsində doğru olanların kimliyindən asılı olmayaraq hər kəsin yanında olmuş,
neçə - neçə kitab təqdimatlarının təşkilatçısı və aparıcısı olmuşdur. Uğurlarını saymaqla bitməz İlqar qardaşımın. İlqar müəllim daha böyük bir ilkə imza ataraq "Turan ellərinin söz çələngi" adlı layihə ilə önümüzə gələrək bizləri - Cəlilabad ədəbi mühitinin yazar və şairlərini bu böyük layihədə bir daha birləşdirib. "Turan Yazarlar Birliyinin" və idarə heyətinin üzvü olaraq da dəstəyini bizdən əsirgəməyib. Öz zəmanəti əsasında neçə - neçə yazara, şairə "Turan Yazarlar Birliyinin" üzvü olmağı və "Turan Yazarlar Birliyinin" ödülünü almağa dəstək olmuşdur.
Bəli, mən əziz qardaşım haqqında daha çox yaza bilərəm . İlqar müəllim 150 - dən çox kitabın müəllifi olsa da onlardan 54-ü işıq üzü görmüşdür. Ərəb və Fars dillərindən Azərbaycan dilinə çevirdiyi 30 - a yaxın kitabın tərcüməçisi , 200-dən çox müxtəlif mövzularda yazdığı elmi məqalənin müəllifidir. İlqar müəllimin yazdığı şeirləri də xüsusi qeyd edirəm. İlqar İsmayılzadə AJB, AYB və TYB-nin üzvü, və eyni halda TYB-nin idarə heyətinin üzvü, "Ziyadar" ,"Qızıl Qələm" və "Zəfər" Media mükafatları laureatıdır. Eləcə də "Turan Yazarlar Birliyinin" sədri Niftalı Göyçəli müəllim tərəfindən " Turan Yazarlar Birliyinin" ödülü ilə təltif edilmişdir.
Sizə can sağlığı arzulayıram, əziz ilqar qardaşım. Uğurlarınızla zirvədə olun hər zaman. Bu sizə çox yaraşır.