Xəbərlər
4.07.2026, 14:17
MƏMMƏD QƏDİR : Bax, məni beləcə unut, əzizim - FOTO
Yadıma düsmürsən deyirsən hər gün,
Yadıma salırsan bəs hər an, niyə?
Allahı demirəm, ay ürək güzgüm,
Şeytan da sevinər belə sevgiyə.
Qovuşanlar görüb gözünü döymək,
Bilirəm can dərdi, ürək dağıdır.
Məni ürəyindən keçirib söymək,
Dünyanın ən gözəl unutmağıdır.
Bilsən bu söyüşə nə qədər şadam,
Belə unutmağa heyran olaram.
Ayrılıq vusaldan gözəlmiş, adam,
Unudan canına qurban olaram.
Tök çılpaq ömrümə leysan, yağış, qar,
Məni öldürməklə yaşadan xanım.
Unut, varlığımı, unut nəyi var,
Amma yoxluğumu unutma, canım.
Sənin varlığında yoxa çıxmışam,
Yoxluğun var imiş qismətdə, heyhat.
Oləziyir sönmür sevgi adlı şam,
Nəydi arzu, dilək, neylədi həyat.
Hərbə qatılsam da varlıq naminə,
Çox heyif, yoxluğun döyüşü uddu
Qəlbin cinə uyub gəlmədi dinə,
Sevgiyə uduzub söyüşü uddu.
Bilirdim, yoxluğun varlıqdan baha,
Ürək üzüyola quzu deyilmiş.
Sən unut deyincə, çox sevdim daha,
Məmməd də az aşın duzu deyilmiş..
Elə dərd vermisən, qatıb yuxumu,
Barı nifrətinlə ovut, əzizim.
Hər gün qarğış elə, söy varyoxumu,
Bax məni beləcə unut, əzizim...
Yadıma salırsan bəs hər an, niyə?
Allahı demirəm, ay ürək güzgüm,
Şeytan da sevinər belə sevgiyə.
Qovuşanlar görüb gözünü döymək,
Bilirəm can dərdi, ürək dağıdır.
Məni ürəyindən keçirib söymək,
Dünyanın ən gözəl unutmağıdır.
Bilsən bu söyüşə nə qədər şadam,
Belə unutmağa heyran olaram.
Ayrılıq vusaldan gözəlmiş, adam,
Unudan canına qurban olaram.
Tök çılpaq ömrümə leysan, yağış, qar,
Məni öldürməklə yaşadan xanım.
Unut, varlığımı, unut nəyi var,
Amma yoxluğumu unutma, canım.
Sənin varlığında yoxa çıxmışam,
Yoxluğun var imiş qismətdə, heyhat.
Oləziyir sönmür sevgi adlı şam,
Nəydi arzu, dilək, neylədi həyat.
Hərbə qatılsam da varlıq naminə,
Çox heyif, yoxluğun döyüşü uddu
Qəlbin cinə uyub gəlmədi dinə,
Sevgiyə uduzub söyüşü uddu.
Bilirdim, yoxluğun varlıqdan baha,
Ürək üzüyola quzu deyilmiş.
Sən unut deyincə, çox sevdim daha,
Məmməd də az aşın duzu deyilmiş..
Elə dərd vermisən, qatıb yuxumu,
Barı nifrətinlə ovut, əzizim.
Hər gün qarğış elə, söy varyoxumu,
Bax məni beləcə unut, əzizim...
Son xəbərlər
Ən çox oxunanlar
- Bu gün
- Bu həftə
- Bu ay
