Xəbərlər
4.07.2026, 02:02
Məmməd Əhmədovun 80 illik yubileyi qeyd olunmuşdur - FOTOLAR
YAP Qobustan rayon təşkilatının sədri
Yeni Azərbaycan Partiyası Qobustan rayon təşkilatı tərəfindən partiyanın veteran üzvlərindən olan, Təklə kənd sakini, Məmməd Əhmədovun 80 illik yubileyi münasibətilə onunla evində görüş keçirilmişdir.
Görüşdə RİHB-nın Təklə kənd İƏD üzrə nümayəndəsinin müavini Sahib Baxışov, "Ərəbşalbaş" ərazi partiya təşkilatının sədri (Ərəbşalbaş kənd tam orta məktəbinin direktoru ) Elçin Orucov, "Təklə" ərazi partiya təşkilatının sədr müavini (Təklə kənd tam orta məktəbinin direktoru) Yunis Əmrahov, YAP Qobustan rayon təşkilatının əməkdaşları Elməddin Hüseynov,Həzərxan Nəbiyev, yubilyarın yaxınları,qardaşları,oğulları və nəvələri iştirak etmişlər.
YAP Qobustan rayon təşkilatının sədri Qasım Qasımov Məmməd Əhmədovla söhbətində qeyd etmişdir ki, yubilyar uzun illər Təklə və Ərəbşalbaş orta məktəblərində müavin və direktor vəzifələrində çalışmışdır. Qasım Qasımov daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.
Görüşün sonunda partiya veteranı Məmməd Əhmədova rayon təşkilatının ictimai-siyasi həyatında fəal iştirakına və 80 illik yubileyi münasibətilə Fəxri Fərman və xatirə hədiyyəsi təqdim edilmişdir.
Məmməd Əhmədov göstərilən diqqət və qayğıya görə Prezident,Yeni Azərbaycan Partiyasının Sədri cənab İlham Əliyevə, çox hörmətli Mehriban xanım Əliyevaya və YAP Mərkəzi Aparatının rəhbərliyinə təşəkkürünü bildirmiş,Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.
Yubiliyarla xatirə şəkilləri çəkilmişdir..
Son xəbərlər
Ən çox oxunanlar
- Bu gün
- Bu həftə
- Bu ay
