Xəbərlər
4.07.2026, 00:35
Zeynəb Cəmaləddin : NƏ ÜÇÜN - FOTO
Asandır, görəsən nədən, nə üçün?
Üzünü çevirib çıxıb gedirsən,
Canından ayrılır bədən, nə üçün?
Bəlkə hər görüntü əsla üz deyil,
Güclünü oynamaq hər an düz deyil,
İtki can yandırar, - nahaq söz deyil,
Ruhuna köç edir itən, nə üçün?
Həyat üçbucaqsa, yaxud hər nəsə,
Bucaqlar dəyişir, - deyir həndəsə.
Yeni yol başlanar, bitən bitdisə,
Kölgəyə çevrilir bitən, nə üçün?
Unutmaq olurmuş günün birində,
Şəfəqlər oynayar gözün fərində.
Hardasa, qəlbinin gizli yerində
Astaca sızlayır zədən, nə üçün?
26.06.2026
Son xəbərlər
Ən çox oxunanlar
- Bu gün
- Bu həftə
- Bu ay
