Xəbərlər
8.05.2026, 00:14
MƏMMƏD QƏDİR : Məni kim sevib ki... - FOTO
Olasan sevimli bəndə, sevəsən.
Şahənsah sevgiyə edəsən təzim,
Düşəsən qəlbindən bəndə, sevəsən.
Bəlkə tanımırsan uca Allahı,
Nə şükrü unutmur, nə də ki, ahı,
Göylərdə sevməli nə qalıb axı,
Enəsən şəhərə, kəndə sevəsən.
İnsanlar sevgiylə dolub daşırlar,
Ruhani sevgini görüb çaşırlar,
Ürəklər sevgiylə hamarlaşırlar,
Çəkib kobud qəlbə rəndə, sevəsən.
İncəldən kobudu sən də sevin, gül,
Çiçək könüllərdə oxuyur bülbül,
Şəkəri sevməyə nə var ki, ey gül,
Zəhəri salasan qəndə, sevəsən.
Ordan başlar ömrün gözəl çağları,
Heç zaman qırılmır könül bağları,
Dərin dərələri, uca dağları,
Dumanda sevəsən, çəndə sevəsən.
Kinli elan edər yalan sevgini,
Biləsən böyüyün, balan sevgini,
Sevən o kəsdir ki, bəlan sevgini,
Saçına saldığı dəndə sevəsən.
Sevib insan olan, sevməsə olmaz,
Məmməd məhəbbətsiz namazın qılmaz,
Məni sevməsən də dünya dağılmaz,
Məni kim sevib ki, sən də sevəsən...
Son xəbərlər
Ən çox oxunanlar
- Bu gün
- Bu həftə
- Bu ay
