Xəbərlər
25.05.2026, 00:24
Şəhidlik zirvəsinə ucalan Quliyev Şəhriyar Nəsib oğlunun, may ayının 25- də cənnətdəki mövlud günüdü - FOTO
44 günlük Vətən müharibəsində qəhrəmanlıqla şəhidlik zirvəsinə ucalan Quliyev Şəhriyar Nəsib oğlunun, may ayının 25- də cənnətdəki mövlud günüdü. Ruhu şad olsun. Amin!
Anası Xalidə xanımın dilindən
QƏZƏL
Doğulandan nə qədər arzuların kəm qaldı,
Verdiyin dərdü kədər yarına həmdəm qaldı.
Şəhriyar, keçdi, balam, körpəliyin Ağdamda,
Yığılıb qəlbimə çox xatirələr cəm qaldı.
Təndirim söndü, dəyirmanda unum tozlandı,
Mənzilim bağlı,o gündən dolu nehrəm qaldı.
Qoydu köçkünlük o dəm yolda ömür karvanın,
Köksü sakinsiz olan el-oba sərsəm qaldı.
Can verən torpaq üçün yatdı Vətən köksündə,
Şuşa ismində olan bir qala möhkəm qaldı.
Neçə pərvanələrin ömrü solub küllərdə,
Ağlayan çox Ana qəlbində yanan şəm qaldı.
Qara daşdan,ay oğul,heç oğul olmaz,billəm,
Çəkdiyim zillətin üstündədi şəbnəm,qaldı.
Qəhrəmanlar yaşayır,ölmədi heç aləmdə,
Şəhidin ismi könüllərdədi,hər dəm,qaldı.
Şəhriyar,doğmaların köksünə bir dağ çəkdin,
Sənin övladın,oğul,yarəmə məlhəm qaldı.
Ağrıyan qəlbimi dərdin dağı hey incitdi,
Gözümün yaşı töküldükcə üzüm nəm qaldı.
Anatək layla desin ruhuna şair Lilpar,
Ağlayan Xalidəyəm,bəslədiyim qəm qaldı.
Son xəbərlər
Ən çox oxunanlar
- Bu gün
- Bu həftə
- Bu ay
