Xəbərlər
9.07.2026, 14:04
Qəzəlsayağı şeir - FOTO
"SARI AŞIQ " ədəbi məclisinin təsisçisi və rəhbəri
Ey pəri, könlümü qan eylədin getdin, gəlmədin,
Məni sən lap pərişan eylədin, getdin, gəlmədin.
Canı hicran oduna yandırıb kül eyləyərək,
Qəlbimi tərki-məkan eylədin getdin, gəlmədin.
Ahü-naləm ucalıb ta ərşü-əlaya qədər,
Gecəmi hicr ilə dan eylədin getdin, gəlmədin.
Gül açmır bağça-bağım, zövqi-bahar yoxdu mənə,
Ömrümü fəslü-xəzan eylədin getdin, gəlmədin.
Vəslinə yetmək üçün yalvarıram sübhə qədər,
Sən məni lap nagüman eylədin getdin, gəlmədin.
Adiləm, ah çəkirəm, dağ-dağ olubdur ürəyim,
Çün məni sən peşiman eylədin getdin, gəlmədin.
Son xəbərlər
Ən çox oxunanlar
- Bu gün
- Bu həftə
- Bu ay
