Xəbərlər
4.05.2026, 15:34
MƏMMƏD QƏDİR : Bir can saxlamışam sənə əmanət - FOTO
Belə giley-güzar yox göydə, yerdə,
Sən özün getmisən, mən ki, qaçmadım.
Gözlərim saraldı pəncərələrdə,
Sən nə vaxt qapımı döydün açmadım.
Biz ki, esq yoluna təzə gəlirdik,
Getmək hardan gəldi ağlına belə.
Necə sevinirdik, necə gülürdük,
Buyur izah elə, ağlama belə.
Sən axı məhəbbət öyrətmənisən,
Ayrılıq dərsində izn almışdım.
Ali təhsilim yox, öyrət məni sən,
O gün də vəfadan dərsdə qalmışdım.
Aşkar könül yıxdı, bu necə sirrdi,
Hər son nəticənin bir səbəbi var.
Su keçməz araya seytanmı girdi,
Payızmı səbəbkar, qışmı günahkar?
Yazıya inanan bəndəyəm elə,
Allah qanqalı da səhv bitirməyib.
Hərəmiz bir qütbdə yaşasaq belə,
İlahi boş yerə rast gətirməyib.
Nə olsun şairin bürcü balıqdır.
Sürüşkən deyiləm, sabit nökərəm.
Səhvi dərk eləmək bir ucalıqdı,
Gəlsən günahını özüm çəkərəm.
Daha ürəyimdə tikanlar bitir,
Kəpənək ruhunu tərk edir Məmməd.
Nə qədər gec deyil özünü yetir,
Bir can saxlamışam sənə əmanət...
Sən özün getmisən, mən ki, qaçmadım.
Gözlərim saraldı pəncərələrdə,
Sən nə vaxt qapımı döydün açmadım.
Biz ki, esq yoluna təzə gəlirdik,
Getmək hardan gəldi ağlına belə.
Necə sevinirdik, necə gülürdük,
Buyur izah elə, ağlama belə.
Sən axı məhəbbət öyrətmənisən,
Ayrılıq dərsində izn almışdım.
Ali təhsilim yox, öyrət məni sən,
O gün də vəfadan dərsdə qalmışdım.
Aşkar könül yıxdı, bu necə sirrdi,
Hər son nəticənin bir səbəbi var.
Su keçməz araya seytanmı girdi,
Payızmı səbəbkar, qışmı günahkar?
Yazıya inanan bəndəyəm elə,
Allah qanqalı da səhv bitirməyib.
Hərəmiz bir qütbdə yaşasaq belə,
İlahi boş yerə rast gətirməyib.
Nə olsun şairin bürcü balıqdır.
Sürüşkən deyiləm, sabit nökərəm.
Səhvi dərk eləmək bir ucalıqdı,
Gəlsən günahını özüm çəkərəm.
Daha ürəyimdə tikanlar bitir,
Kəpənək ruhunu tərk edir Məmməd.
Nə qədər gec deyil özünü yetir,
Bir can saxlamışam sənə əmanət...
Son xəbərlər
Ən çox oxunanlar
- Bu gün
- Bu həftə
- Bu ay
