Xəbərlər
3.05.2026, 00:48
ƏZİZƏ AĞAHÜSEYNQIZI : Ata yurdumda düşüncələrim… - FOTO
SÜKUT
Durmuşam lal sükuttək,
Ev üstümə yeriyir.
Buza dönmüş duyğular
Xatirəmdə əriyir.
Bu ev, bu həyət baca,
Bir vaxt səslə doluydu.
Bu ev qonaq-qaralı,
Doğmalarla uluydu.
Uçub köçəri quşlar,
Yuvasını qəm tutub.
Qapısı açılmayan
Otaqları nəm tutub.
Atam hayana gedib?
Çəkicini pas atıb.
Zindanın səsi gəlmir,
Dəryaz qlovsuz yatıb.
Atının üzəngisin,
Yəhərdən kim qoparıb?
Qamçısı düşüb qalıb.
Bəs atı kim aparıb?
Evin arxasındakı,
Təndirin üstü bağlı.
Külfəsini kül basıb,
Anamsız sinə dağlı.
Qoyun, quzu səsinə
Möhtac qalıb bağ, bayır.
Alabaşın yerinə,
Burda sükut ulayır.
Lampaları toz basıb,
Qaz sobası işləmir.
Hər gün qaynayan çaydan,
Susub küncdə qəm əmir.
Mir- mitili qat kəsib,
İllərdir gün görməyir.
Divardakı şəkillər
Gözumə bikef dəyir.
Dağılıb mənzərəsi,
Talan olub ev, eşik.
Zaman xırman sulayır,
Qaranquş çəkir keşik.
Bacadan tüstü çıxmır,
Evlər kor göz kimidir.
Tənha qalmış ev, eşik,
Sazın sarı simidir.
Su quyusu quruyub,
Əlcəyini pas tutub.
Evin damı əyilib,
Otaqları yas tutub.
Ağaclar pırpızlaşıb,
İllərdir ki, daranmır.
Qoz ağacı quruyub,
Budağını bar anmır.
Gəlinbarmaq, kəhraba,
Tut ağacı yenilib.
Qəmlərə dözəmməyib,
İki yarı bölünüb.
Qapı-bacası bağlı,
Atam, anam, hardasız?
Pəncərəsiz, qapısız,
Gor evində dardasız...?!!
Həsrətimi duyarsız,
Bu dünya belə qalmaz.
Bir səsimə səs verin,
Belə doğmalıq olmaz.
Xəlvəti gəlin birdən,
Gözlərimi bağlayın.
Kimdi, tap görüm- deyib,
İntizarda saxlayın.
Gözümü açmaq üçün,
Bir, iki, üç...sayın.
Çıxın qapı ağzına,
Qonağı qarşılayın.
Ev üstümə yeriyir.
Buza dönmüş duyğular
Xatirəmdə əriyir.
Bu ev, bu həyət baca,
Bir vaxt səslə doluydu.
Bu ev qonaq-qaralı,
Doğmalarla uluydu.
Uçub köçəri quşlar,
Yuvasını qəm tutub.
Qapısı açılmayan
Otaqları nəm tutub.
Atam hayana gedib?
Çəkicini pas atıb.
Zindanın səsi gəlmir,
Dəryaz qlovsuz yatıb.
Atının üzəngisin,
Yəhərdən kim qoparıb?
Qamçısı düşüb qalıb.
Bəs atı kim aparıb?
Evin arxasındakı,
Təndirin üstü bağlı.
Külfəsini kül basıb,
Anamsız sinə dağlı.
Qoyun, quzu səsinə
Möhtac qalıb bağ, bayır.
Alabaşın yerinə,
Burda sükut ulayır.
Lampaları toz basıb,
Qaz sobası işləmir.
Hər gün qaynayan çaydan,
Susub küncdə qəm əmir.
Mir- mitili qat kəsib,
İllərdir gün görməyir.
Divardakı şəkillər
Gözumə bikef dəyir.
Dağılıb mənzərəsi,
Talan olub ev, eşik.
Zaman xırman sulayır,
Qaranquş çəkir keşik.
Bacadan tüstü çıxmır,
Evlər kor göz kimidir.
Tənha qalmış ev, eşik,
Sazın sarı simidir.
Su quyusu quruyub,
Əlcəyini pas tutub.
Evin damı əyilib,
Otaqları yas tutub.
Ağaclar pırpızlaşıb,
İllərdir ki, daranmır.
Qoz ağacı quruyub,
Budağını bar anmır.
Gəlinbarmaq, kəhraba,
Tut ağacı yenilib.
Qəmlərə dözəmməyib,
İki yarı bölünüb.
Qapı-bacası bağlı,
Atam, anam, hardasız?
Pəncərəsiz, qapısız,
Gor evində dardasız...?!!
Həsrətimi duyarsız,
Bu dünya belə qalmaz.
Bir səsimə səs verin,
Belə doğmalıq olmaz.
Xəlvəti gəlin birdən,
Gözlərimi bağlayın.
Kimdi, tap görüm- deyib,
İntizarda saxlayın.
Gözümü açmaq üçün,
Bir, iki, üç...sayın.
Çıxın qapı ağzına,
Qonağı qarşılayın.
30.09.2024
Son xəbərlər
Ən çox oxunanlar
- Bu gün
- Bu həftə
- Bu ay
