Xəbərlər
28.11.2025, 21:15
BURDA BİR PAYIZ VAR, MƏNƏ BƏNZƏYİR - FOTO
Xəyala qərq olub, qucub dizini,
Burda bir payız var, mənə bənzəyir.
Sarı əlləriylə tutub üzünü,
Burda bir payız var, mənə bənzəyir.
Hönkürür, harayı, hayı duyulmur,
Yağan yağışlarla dərdi yuyulmur,
Üzündən, gözündən rəngi soyulmur,
Burda bir payız var, mənə bənzəyir.
Qəminə qərq edib ömrün bu çağın,
Leyləyi tərk edib isti ocağın,
Bir həsrət bürüyüb qoynun, qucağın,
Burda bir payız var, mənə bənzəyir.
Uçulub, sökülüb nəm divarları,
Ona şirin gəlir ötən çağları,
Bir təsəlli yeri qalmayıb barı!
Burda bir payız var, mənə bənzəyir.
Nəğməsi qırıqdı, həzin, ahəstə,
Şeir ovqatlıdı, dodağı püstə,
Oxuyur aramla “Şikəstə” üstə,
Burda bir payız var, mənə bənzəyir.
Yarpağı şabaş tək tökülür yerə,
Nə ola daşları bircə zər verə!
Tanrı qismət edə bəhrəsin dərə,
Burda bir payız var mənə bənzəyir.
Bir az ərköyündü, bir az çılğındı,
Bir az qüssəlidi, bir az dalğındı,
Xətrinə dəyiblər qəlbi qırğındı,
Burda bir payız var mənə bənzəyir.
Bürüyüb talanı ahı, amanı,
Səngimir başından həsrət dumanı,
Təkcə baharadı ən son gümanı,
Burda bir payız var mənə bənzəyir.
Köksünə sarı xal düşəndən bəri,
Darayır saçını xəzan yelləri,
Xatirə şəklidi sarı əlləri,
Burda bir payız var mənə bənzəyir.
Misra – misa susur, baxıb kövrəlir,
Ruhuma bənd olub axıb, kövrəlir,
Başını köksünə sıxıb, kövrəlir,
Burda bir payız var mənə bənzəyir.
Gördüm oxşarı var, qərib ağladım,
Qəmini könlümə sərib, ağladım.
Payızı özüm tək görüb, ağladım.
Burda bir payız var mənə bənzəyir.
Burda bir payız var mənə bənzəyir..
Burda bir payız var, mənə bənzəyir.
Sarı əlləriylə tutub üzünü,
Burda bir payız var, mənə bənzəyir.
Hönkürür, harayı, hayı duyulmur,
Yağan yağışlarla dərdi yuyulmur,
Üzündən, gözündən rəngi soyulmur,
Burda bir payız var, mənə bənzəyir.
Qəminə qərq edib ömrün bu çağın,
Leyləyi tərk edib isti ocağın,
Bir həsrət bürüyüb qoynun, qucağın,
Burda bir payız var, mənə bənzəyir.
Uçulub, sökülüb nəm divarları,
Ona şirin gəlir ötən çağları,
Bir təsəlli yeri qalmayıb barı!
Burda bir payız var, mənə bənzəyir.
Nəğməsi qırıqdı, həzin, ahəstə,
Şeir ovqatlıdı, dodağı püstə,
Oxuyur aramla “Şikəstə” üstə,
Burda bir payız var, mənə bənzəyir.
Yarpağı şabaş tək tökülür yerə,
Nə ola daşları bircə zər verə!
Tanrı qismət edə bəhrəsin dərə,
Burda bir payız var mənə bənzəyir.
Bir az ərköyündü, bir az çılğındı,
Bir az qüssəlidi, bir az dalğındı,
Xətrinə dəyiblər qəlbi qırğındı,
Burda bir payız var mənə bənzəyir.
Bürüyüb talanı ahı, amanı,
Səngimir başından həsrət dumanı,
Təkcə baharadı ən son gümanı,
Burda bir payız var mənə bənzəyir.
Köksünə sarı xal düşəndən bəri,
Darayır saçını xəzan yelləri,
Xatirə şəklidi sarı əlləri,
Burda bir payız var mənə bənzəyir.
Misra – misa susur, baxıb kövrəlir,
Ruhuma bənd olub axıb, kövrəlir,
Başını köksünə sıxıb, kövrəlir,
Burda bir payız var mənə bənzəyir.
Gördüm oxşarı var, qərib ağladım,
Qəmini könlümə sərib, ağladım.
Payızı özüm tək görüb, ağladım.
Burda bir payız var mənə bənzəyir.
Burda bir payız var mənə bənzəyir..
Son xəbərlər
Ən çox oxunanlar
- Bu gün
- Bu həftə
- Bu ay
