Xəbərlər
23.09.2026, 15:29
Vaqif Vüqar : Şəhid məzarının yaxınlığında - FOTO
Yaralı əsgərin yuxusu gəlir.
Əyninə geydiyi paltarlarından
Hələ də bir barıt qoxusu gəlir.
İnsan nəsil-nəsil köçünü çəkib,
Təzədən yandırır ocaqlarını.
Köksündə zədə var buludların da
Hələ də sürüyür ayaqlarını.
Bir ağız da desin qoy nəğməkar quş,
Yeni səs gətirib mahnımız üçün.
Şəhid məzarının yaxınlığında
Qurub yuvasını bir ağ göyərçin.
Öz kökü üstündə açıb qol-qanad,
Ağaclar göyərir, ağaclar bitir.
Babaya,nənəyə bənzər agaclar
Bu yurdun birinci şəhidləridir.
Niyyətlər,maraqlar dəyisməyəcək,
Sən də əsgər balam, ayıq ol ayıq.
Saxla silahını nəvənə ötür,
Əbədi Vətənin səngəri açıq...
Son xəbərlər
Ən çox oxunanlar
- Bu gün
- Bu həftə
- Bu ay
