"Anthropic", "OpenAI", "Google DeepMind" şirkətləri və Böyük Britaniyanın Süni İntellekt Təhlükəsizliyi İnstitutunun (AISI) əməkdaşları süni intellekt modellərin sürətli inkişafı səbəbindən güclü psixoloji təzyiq və stres yaşadıqlarını bildirirlər.

AISI-nin bir neçə mütəxəssisi artıq xəstəliklə bağlı məzuniyyətə çıxıb və psixoloji yardım alır.

Nəşr qeyd edir ki, xüsusilə, kibertəhlükəsizlik və biokimya üzrə mütəxəssislər narahatlıqlarını ifadə edirlər.

AISI-nin keçmiş əməkdaşlarından biri bildirib ki, süni intellektin yeni imkanları artıq narahatlıq doğurur, çünki onun təbiətdə analoqu olmayan virusların yaradılmasına kömək etmək potensialı ola bilər.