Türk Hava Yolları, onilliklərdir davam edən kabin və uçuş heyətinin saqqal saxlamasına qoyulan qadağanı ləğv edib.

"Unikal" xəbər verir ki, kabin heyətinin görünüşünü, formasını və şəxsi baxımını tənzimləyən aviaşirkətin daxili qaydalarında dəyişikliklər edilib.

Ekipaj üzvlərinə artıq 15 mm-dən uzun olmayan qısa saqqal saxlamağa icazə verilir və onlar hər zaman səliqəli şəkildə saxlanılmalıdır. Qəbul edilən saç düzümlərinə təbii, baxımlı saç düzümü, bığlı saqqal və qısa, səliqəli şəkildə kəsilmiş saqqal daxildir.

Qeyd olunur ki, 15 mm-dən uzun, həmçinin, səliqəsiz və ya seyrək saqqallar qadağandır.