Xəbərlər
26.04.2026, 00:05
LİLPAR CƏMŞİDQIZI : Kamilliyin yolun tapan insan çatar yüzə - FOTO
Tanınmış şair-qəzəlxan,bəstəkar,iki "Divan"müəllifi Hüseyn Sözlünün Səksən illik yubileyinə hədiyyə.
QƏZƏL
Nurdan yaratdı şe'rini Rəhmanı Sözlünün,
Aləmdə parlayıbdı çıraqbanı Sözlünün,
Hikmət dolubdu könlünə hər dəm, yazır qələm,
Haqdan açıqdı, var yolu, meydanı Sözlünün.
Gün doğdu, zülmətin qarasın aldı bir şəfəq,
Həsrətlə heç hörülməyib eyvanı Sözlünün.
Ömrün dənizlə bağladı, yelkənlə üzdü hey,
Mərcan yığanda çağlayıb ümmanı Sözlünün.
Şöhrət, şərəf gətirdi onun bəstəkarlığı,
Hər gün şeir, qəzəl yazıb ünvanı Sözlünün.
Dəryadə batmayıb dəli sevdası heç zaman,
Bayraq, Vətəndi sünbülü, reyhanı Sözlünün.
Söz- söz sətirlənəndə də misrayə sığmayıb,
Yardan gəlib səliqəsi, səhmanı Sözlünün.
Kamilliyin yolun tapan insan çatar yüzə,
Gəlsin, Xuda, yetir, ola doxsanı Sözlünün.
Lilpar, Hüseyn Sözlüyə sağlam ömür dilə,
Solmaz bahardı yazı, gülüstanı Sözlünün.
Son xəbərlər
Ən çox oxunanlar
- Bu gün
- Bu həftə
- Bu ay
