...İllər də quşqanadlı olurmuş. Orta məktəbin 9-cu sinfində oxuyurduq. Bizimlə oxuyan qızların arasında qarayanız, qırmızıyanaq, baxışları dizlərindən yuxarı qalxmayan, dindirməsən gün ərzində bircə kəlmə dillənməyən Həyat bacı Aşağı Ayrımdan el ağsaqqalı Həsən əminin ailəsində dünyaya göz açmışdı. Həsən əminin anası Narın xala da kəndimizin qızı idi, Aşağı Ayrıma gəlin köçmüşdü...
Qızı Həyat böyük bacım Pəriyə çox oxşayırdı. Ona görə də sinfimizdə elə o vaxtdan bacı deyirdim. Həyat bacımın taleyi, sən demə, Hüseyn qardaşıma yazılıbmış. Bu qarşılıqlı sevgi gözəl bir ailə yaratmışdı. Bu izdivacdan iki oğlan (Anarla Vüqar) və iki qız (Ahu ilə Təranə) dünyaya göz açmışdı. Balalar da quş qanadında böyüyür, ata-ananın istək və arzuları ilə pərvazlanırdı.
Bu gün Hüseyn qardaşımın - məni babalıq taxt-tacına yüksəldən Günay balamızın, onun da balaları Ümidimizlə Davidimizin ana babası ilə nənəsi Həyat bacımın ailə həyatı qurmalarının 50 illiyidir!

Nə gözəl bir yubileydir, Allah! Sədaqətli ailələrin 100 illlik yubiley də olur. Məsələn, Kəlbəcərdə, Yanşaqda İlyas baba ilə Xatın nənənin “Qızıl və briliyant toy”ları televiziyaya çəkilmişdi, həm də Moskva TV-si.
Bu gün Hüseyn əmioğlu ilə Həyat bacımın ailəsində boy atıb pərvazlanan balalar xoşbəxtdirlər ki, belə bir ailədə dünyaya göz açıbla və Hüseyn, və Həyat bacı kimi bir-birinə sədaqətli, mehriban, ailəcanlı, qohum-əqraba sevdalı valideynləri var.
Arzu edirik ki, özlərinin və balalarının da 50-60-70-80-90-100 illik toylarını TƏBRİK etsin qohum-əqraba, yaxın-uzaq qohumlar!
100 yaşayın, müdrik baba-nənə cütlüyü!
Sağ əliniz yeni ailə quran balalarınızın başına!


Hörmətlə,
Nərimanoğlular, Sadıqovlar, Nəcəfovlar
ailəsi adından Məhəmməd
Bakı, 24 noyabr 2024-cü il.